აშშ-ს ვაჭრობის სამინისტრომ გამოაქვეყნა იმ სამხედრო და სავარაუდოდ სამხედროებთან შეხების მქონე 45 მსხვილი რუსული კომპანიების ჩამონათვალი, რომელთა წინაამღდეგ სანქციები ძალაში 23 დეკემბრიდან შევიდა.
კერძოდ, შავ სიაში მოხვდა მსხვილი სახელმწიფო თავდაცვითი კომპანია, გადა ამისა, სანქციები ასევე შეეხება ატომურ მრეწველობას და სამოქალაქო თვითმფრინავებს ინდუსტრიას. აიკრძალება არა მხოლოდ მათი პროდუქციის გაყიდვა შტატებში, არამედ შტატებიდან მათთვის საქონლის და ტექნოლოგიების მიწოდება.
სიაში სამოქალაქო ობიექტების მოხვედრა იმით აიხსნა, რომ ისეთ ქვეყნებში როგორც რუსეთი და ჩინეთი სამხედრო და სამოქალაქო ინდუსტრია ერთმანეთთან გადაჯაჭვულია, და ხშირად ერთიან კონგლომერატებში შედის - მაგალითად, Объединенная авиастроительная корпорация (ОАК), რომლის ქვეგანაყოფები როგორც სამხედრო, ასევე სამოქალაქო თვითმფრინავებს აწარმოებენ.
იმის გამო, რომ მათი გამიჯნვა შეუძლებელია, სანქციები შეეხება ყველას ერთად.
2020 წელს ძალაში შევიდა აშშ-ს ვაჭრობის სამინისტროს ახალი წესი, რომელმაც მცნება „სამხედრო დანიშნულება“ მკვეთრად გააფართოვა და ის არა მხოლოდ შეიარაღებულ ძალებს, არამედ პოლიციას, ეროვნულ გვარდიას, სამხედროებთან დაკავშირებულ სამოქალაქო კომპანიებს მოიცავს - მაგალითად ტიტანის მომპოვებელი «ВСМПО-Ависма»-ს, რომელიც შედის სამხედრო კორპორაცია „Ростех“-ში.
და ეს იმის მიუხედავად, რომ ტიტანი სამოქალაქო ინდუსტრიაში აქტიურად გამოიყენება - მაგალითად, „ბოინგის“ მიერ.
23 დეკემბრიდან ამ კომპანიებს ამერიკაში საქონლის და ტექნოლოგიების შესყიდვისთვის სპეციალური ლიცენზია დასჭირდებათ, რომლის მიღებაც ფაქტიურად შეუძლებელი იქნება.
სიაში უცნაური შემთხვევები არის - მაგალითად, სანქციები კოსმოსურ დარგში მომუშავე საწარმო Прогресс-ს შეეხო, რომელსაც ახდენს ამერიკელი ასტრონავტების ორბიტაზე და საერთაშორისო კოსმოსურ სადგურზე ტრანსპორტირებას. აქამდე Прогресс სრულიად ხელშეუხებელი იყო.
ასევე რუსეთში გაკვირვება «ВСМПО-Ависма»-ს მიმართ სანქციების შემოღებამ გამოიწვია - ეს საწარმო 90-ანი წლებიდან Boeing-სთვის ტიტანის უმსხვილესი მიმწოდებელია. მეტიც, მათ ერთობლივი კომპანიაც კი აქვთ - Ural Boeing Manufacturing.
ვაჭრობის სამინისტროს გადაწყვეტილების სამიზნე რუსული სამხედრო მრეწველობაა, თუმცა, ის სამოქალაქო ინდუსტრიასაც პირდაპირ ურტყამს - მაგალითად, ბიზნეს-კლასის კერძო მცირე თვითმფრინავის Sukhoi Superjet 100-ის პროექტს.
თანაც, ახალი სანქციები დიდწილად უკვე არსებული შეზღუდვების გამეორებაა, შესაბამისად, მათი ეფექტურობა ნაკლები იქნება. 2019 წლის დასაწყისში Sukhoi Superjet 100-ის სერიული წარმოება გადაიდო იმის გამო, რომ ამერიკელებმა ამ პროექტისთვის კომპოზიტური მასალების მიწოდება შეწყვიტეს.
არასრული სტატისტიკის და ზუსტი ინფორმაციის დეფიციტის გამო, ძნელია იმის პროგნოზირება, რამდენად მძიმე იქნება რუსეთის ავიაინდუსტრიისთვის ამერიკული ტექნოლოგიების დახურვა.
მით უმეტეს იმის გათვალისწინებით, რომ სანქციების ქვეშ მოხვედრილი რუსული კომპანიების მიმართ სხვადასხვა შეზღუდვები აქამდეც მოქმედებდა.
www.rbc.ru
ამერიკული სანქციები
