სახელმწიფო ქონების ეროვნულმა სააგენტომ ქვეყნის მასშტაბით არსებული 372 ამორტიზებული შენობის დემონტაჟისთვის 5 მილიონი ლარის გამარტივებული შესყიდვა გამოაცხადა. განცხადება განსახილველად სახელმწიფო შესყიდვების ეროვნულ სააგენტოს გადაეცა, რომლის თანხმობის შემთხვევაშიც პროცესი ერთ კომპანიასთან მოლაპარაკების გზით, ტენდერის გარეშე წარიმართება.
განცხადებიდან ირკვევა, რომ სახელმწიფო ქონების ეროვნული სააგენტო ამ გზით საბჭოთა კავშირის პერიოდში აშენებული ამორტიზებული შენობა-ნაგებობების დანგრევას გეგმავს.
“სახელმწიფო საკუთრებაში არსებულ მიწის ნაკვეთებზე განთავსებულია ძველი, ძირითადად, საბჭოთა სოციალისტური რესპუბლიკების კავშირის არსებობის პერიოდში აშენებული და დღეისათვის სრულად უფუნქციო შენობა-ნაგებობები, რომლებიც დროთა განმავლობაში სტიქიური მოვლენების შედეგად მიღებული დაზიანებებისა და სიძველის გამო, ამახინჯებს გარემოს იერსახეს და საფრთხის შემცველია სიცოცხლისთვის/ჯანმრთელობისთვის. დამატებით გასათვალისწინებელია, რომ სტიქიური მოვლენები, რომელთა წინასწარი განსაზღვრა შეუძლებელია, მნიშვნელოვნად აუარესებენ აღნიშნული შენობა-ნაგებობის მდგომარეობას და კრიტიკულად ზემოქმედებენ მათზე, როგორც საზოგადოებისთვის საფრთხის შემცველ ობიექტებზე. შესაბამისად, შენობა-ნაგებობების მდგომარეობის შესწავლის შემდეგ, საინჟინრო/საექსპერტო დასკვნის და საპროექტო-სახარჯთაღრიცხვო დოკუმენტაციის საფუძველზე საჭიროა განხორციელდეს მათი სადემონტაჟო სამუშაოების სახელმწიფო შესყიდვა,”- ნათქვამია გამოქვეყნებულ ინფორმაციაში.
თანდართული დოკუმენტაციის მიხედვით, ყველაზე მეტი 130 ობიექტის დემონტაჟი იმერეთის რეგიონში იგეგმება. 59 შენობის დემონტაჟია დაგეგმილი გურიაში, 57 კი სამეგრელო-ზემო სვანეთში.
bm.ge
ამორტიზებული შენობების დანგრევას მთავრობა უტენდეროდ, 5 მლნ ლარად გეგმავს
ამორტიზებული შენობა
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.
მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...
IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.
ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.
ცნობისთვის, IRI-ის კვლევა 2023 წლის 4-23 მარტის პერიოდში...
უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები.
ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება.
აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა.
„წარმატებული...
რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.
კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს.
ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...
