ალდაგში აგროდაზღვევის სეზონი დაიწყო. იმ შემთხვევაში თუ ფერმერებს ალდაგში დაზღვეული მოსავალი ბუნებრივი მოვლენებისგან დაუზიანდებათ, შესაძლებლობა ექნებათ, რომ ანაზღაურება უსწრაფესად მიიღონ და დანაკარგები მალევე აღიდგინონ.
ფერმერებს შეუძლიათ დააზღვიონ სხვადასხვა კულტურები: ვაზი, მარცვლეული, პარკოსანი კულტურები, ბოსტნეული, ბაღჩეული, ხეხილი, კაკლოვანი კულტურები, სუბტროპიკული კულტურები და ციტრუსი. მრავალწლიანი კულტურების დაზღვევა შეიძლება 3 წლით.
ალდაგი სახელმწიფო აგროდაზღვევის პროგრამაშია ჩართული, რაც იმას ნიშნავს, რომ ფერმერებს სხვადასხვა კულტურების შემთხვევაში დაზღვევის თანხის 50 -70%-ს სახელმწიფო დაუსუბსიდირებს. როგორც ალდაგის აგროდაზღვევის მიმართულების ხელმძღვანელმა ივანე ბუჯიაშვილმა „კომერსანტს“ განუცხადა ფერმერებს დაზღვევის რეალური ღირებულების ნახევრის ან 30%-ის გადახდა მოუწევთ, რაც დაზღვევას საკმაოდ ხელმისაწვდომს ხდის.
„როგორც საერთაშორისო პრაქტიკამ აჩვენა, აგრარული რისკები თავისი ბუნებიდან და მძიმე დამაზიანებელი მოვლენებიდან გამომდინარე საკმაოდ ძვირადღირებული რისკებია, თითქმის ყველა ქვეყანაში მიღებულია პრაქტიკა, რომ სახელმწიფო სუბსიდიის გარეშე აგროდაზღვევა ვერ მუშაობს, ამიტომ ჩვენი სახელმწიფოს მიერ 2014 წელს ინიცირებული იქნა აგროდაზღვევის პროგრამა და მიმდინარე წელს შეიძლება ითქვას, რომ ფერმერის მიერ გადასახდელი სადაზღვეო მომსახურეობის 50% ვაზის შემთხვევაში სახელმწიფო იხდის და დანარჩენი ყველა კულტურა 70%-ით სუბსიდირდება, რაც ფერმერებს სადაზღვეო პროდუქტებზე წვდომას ძალიან უადვილებს.
პროგრამის დაგეგმვის დღიდან, ჩვენი გამოცდილება, რომელიც მანამდე დავაგროვეთ გვაძლევდა იმის საშუალებას, რომ ზარალებზე რეაგირება სწრაფად მოგვეხდინა და შეფასებაში ობიექტურები ვყოფილიყავით. ერთ-ერთი რაც ყველაზე მნიშვნელოვანია არის ის, რომ უკვე მესამე წელია, რაც უპრეცედენტო პრაქტიკა დავნერგეთ, რაც გულისხმობს იმას, რომ დაზარალებული ზიანის შეფასებიდან უახლოესი რამდენიმე დღის განმავლობაში იღებს კომპენსაციას და სწორედ ეს უადვილებს ფერმერს, რომ დაზიანებული მოსავლის შეწამვლა - დამუშავება განაგრძოს და სტიქიისგან დარჩენილი მოსავალი გადაარჩინოს.“ - აღნიშნა ივანე ბუჯიაშვილმა.
მისივე განცხადებით ათწლეულების მანძილზე დაგროვილმა გამოცდილებამ აჩვენა, რომ სოფლის მეურნეობის რისკების გასანეიტრალებლად ყველაზე შედეგიანი, ფინანსურად გამართლებული და მარტივი გზა არის აგროდაზღვევა. აგროდაზღვევა ფერმერს საშუალებას აძლევს იფიქროს არა დანაკარგების ანაზღაურებაზე, არამედ წარმოების გაზრდასა და პროდუქციის ხარისხის გაუმჯობესებაზე, ამიტომ დაზღვევა ყოველთვის ოპტიმალური გამოსავალია.
„ჩვენი მომხმარებელთა რაოდენობა წლიდან წლამდე იზრდება და სწორედ ეს გვაძლევს საშუალებას, რომ აგროდაზღვევაში უპირობო ლიდერი ალდაგი იყოს.“ - აღნიშნა ივანე ბუჯიაშვილმა.
რაც შეეხება აგროდაზღვევაში ჩართვის პროცედურას, ივანე ბუჯიაშვილი აღნიშნავს, რომ პროცედურა მაქსიმალურად გამარტივებულია და პანდემიიდან გამომდინარე კომპანია ცდილობს, რომ პროცედურული ნაწილი ფერმერებზე და ბენეფიციარებზე მაქსიმალურად მორგებული იყოს.
„დაზღვევის დროს ფაქტობრივად ორი მთავარი კრიტერიუმია გასათვალისწინებელი, რასაც სუბსიდიის მსურველი ფერმერი უნდა აკმაყოფილებდეს. ერთი არის ის, რომ ფერმერს მიწა საჯარო რეესტრში უნდა ჰქონდეს რეგისტრირებული, მეორე თვითონ ფერმერი უნდა იყოს ფერმერთა ერთიან ბაზაში დარეგისტრირებული.
თუმცა, იმ შემთხვევაში თუ ფერმერს არ აქვს მიწა რეგისტრირებული, არც ეს წარმოადგენს პრობლემას და შეიძლება არასახელმწიფო არა სუბსიდირებული პოლისით ისარგებლოს. ამასთანავე საინტერესოა, რომ ალდაგში დაზღვევის შეთხვევაში მომხმარებელს საშუალება აქვს, რომ დაზღვევის საფასური ჩვენი პარტნიორი კრედო ბანკის უპროცენტო სესხით გადაიხადოს და სესხის თანხა შეღავათიანი პირობით, მხოლოდ მოსავლის აღების შემდეგ დაფაროს“ - აღნიშნა ივანე ბუჯიაშვილმა.
ალდაგში აგროდაზღვევის უპირატესობა კონკურენტული ფასი, ყველაზე სწრაფი ანაზღაურება და მომსახურების ხარისხია. წლების განმავლობაში ალდაგს ფერმერებისთვის 17 მილიონი ლარი აქვს ანაზღაურებული.
(R)