ბელარუსის ხელისუფლება, შესაძლოა, სოციალურ ქსელებში შექმნილი ყალბი ანგარიშებით ხაფანგს უგებდეს იმ მოქალაქეებს, რომლებსაც რუსეთის ინტერვენციის წინააღმდეგ უკრაინის მხარეზე მოხალისედ ბრძოლა სურთ. ამის შესახებ ბელარუსის ოპოზიციის ლიდერებმა ხმამაღალი საუბარი დაიწყეს მას შემდეგ, რაც მარტის დასაწყისში უცხოეთის კონფლიქტში მონაწილეობისა და სოციალური სიძულვილის გაღვივებისთვის დააკავეს სერგეი ჰრიბოჩევი. ამ დაკავების შესახებ ცნობა 14 მარტს გაავრცელა ბელარუსის პროსახელისუფლებო ტელეგრამის არხმა.
ვიდეოზე ჩაწერილ, სავარაუდოდ, იძულების გზით მოპოვებულ აღიარებით ჩვენებაში 53 წლის ჰრიბოვიჩი ამბობს, რომ იგი მას შემდეგ დააკავეს, რაც ტელეგრამის არხში შეავსო სპეციალური ფორმა, რომელიც წარმოადგენდა განაცხადს იმ დანარჩენ ბელარუსებთან შეერთების თანხმობით, რომლებიც მეზობელ უკრაინაში იბრძვიან.
მიჩნეულია, რომ სულ მცირე 200-მა ბელარუსმა აიღო ხელში იარაღი რუსეთის ინტერვენციისგან უკრაინის დასაცავად. ბელარუსული ქვედანაყოფის თანახმად, რომელიც მოხალისეებს აგროვებს, მის რიგებში გაწევრიანების სურვილს ასობით ადამიანი გამოხატავს.
ბელარუსული რაზმი, რომელიც საკუთარ თავს კასტუს კალინოვსკის სახელობის ბატალიონს უწოდებს, საკუთარი ტელეგრამის არხს იყენებს მოხალისეთა გადაბირებისთვის, რისთვისაც შექმნა სპეციალური ჩათი მოხალისეებს შორის სოციალური ქსელში პირადი ინფორმაციის პირდაპირი გაცვლის მიზნით.
ჯგუფის განცხადებაში ნათქვამია, რომ მას არ მიუღია ჩათის საშუალებით არანაირი შეტყობინება ჰრიბოვიჩისგან, რომელიც, სავარაუდოდ, ლუკაშენკას ხელისუფლების მიერ შექმნილი ყალბი ჩათის მსხვერპლი გახდა. „თუ თქვენ რუსეთში ან ბელარუსში იმყოფებით, ნუ გამოიყენებთ თქვენს ნამდვილ სახელს, ყველასგან დამალეთ თქვენი ტელეფონის ნომერი, ან უმჯობესია, რომი შეიძინოთ ახალი სიმ-ბარათი“, - აფრთხილებს კასტუს კალინოვკის სახელობის ბატალიონი თავის არხის საშუალებით იმ მოხალისეებს, რომლებიც შესაძლოა ხელისუფლების მიერ დაგებულ ხაფანგში გაებან.
ორგანიზაცია Bypol-ის წარმომადგენელი, ალექსანდრ აზაროვი, იხსენებს, რომ მისმა ორგანიზაციამ წარსულში დოკუმენტურად დაადასტურა ტელეგრამაში ყალბი ჩათების არსებობა, რომელიც ბელარუსების ხაფანგში გასაბმელად იყო შექმნილი. კერძოდ ასეთი ტელეგრამის გვერდის საშუალებით ბელარუსის ხელისუფლება აქვეყნებდა მოხელეებზე თავდასხმის გეგმას და მიუთითებდა პრივატულ კონკრეტულ ჩათს მათთვის, ვისაც ასეთ თავდასხმაში მონაწილეობდა სურდათ. აზაროვის თანახმად, ამ ხაფანგის გამოყენებით ბელარუსის ხელისუფლებამ მოტყუებით ათობით ადამიანი დააპატიმრა.
წყარო: რადიო თავისუფლება