დღეს Apple-ი მსოფლიოში ყველაზე ძვირადღირებული კომპანიაა, რომლის ღირებულება 2,3 ტრილიონი დოლარია. სამეულშია ასევე - 1.9 ტრილიონი დოლარის ღირებულების Microsoft-ი და 1.8 ტრილიონი დოლარიანი - Saudi Aramco.
2022 წლის მსოფლიოს უმსხვილესი კომპანიები ასეული Visualcapitalist-მა გამოაქვეყნა.
როგორც გამოცემა წერს, 2022 წელს საპროცენტო განაკვეთების ზრდისა და გაყიდვების შენელების მიუხედავად, მსოფლიოს ყველაზე ძვირადღირებული კომპანიების სიაში Apple-მა პირველი ადგილი შეინარჩუნა. ეს დიდწილად განპირობებული იყო რეკორდული შემოსავლით და iPhone-ებზე მომხმარებლის მოთხოვნით.
Apple-ისგან განსხვავებით, Microsoft-ის გაყიდვები წლის განმავლობაში უფრო შენელებული იყო, რადგან პერსონალურ კომპიუტერებზე მოთხოვნამ იკლო.
მთლიანობაში, Microsoft-ის გაყიდვების დაახლოებით 50% საზღვარგარეთის ბაზარზე მოდიოდა.
Visualcapitalist-ის მონაცემებით, მსოფლიოში მხოლოდ ოთხი კომპანიაა დარჩენილი ტრილიონ დოლარიანი საბაზრო კაპიტალის კლუბში.
მსოფლიოს უმსხვილესი კომპანიების ათეულში 3 ტექნოლოგიების სფეროდანაა, 2-2 - ჯანდაცვა და მომსახურებიდან, თითო-თითო - საფინანსო, ინდუსტრიული და ენერგეტიკის სექტორებიდან.
რაც შეეხება ქვეყნებს, 10-დან 9 ამერიკული კომპანიებია, 1 - საუდის არაბეთის.
100 კომპანიიდან 60%-ი აშშ-ს კომპანიებია, ასეულშია ასევე - ინდური, ჩინური, ჰოლანდიური, ბრიტანული, ირლანდიური, ფრანგული, გერმანული, ავსტრალიური, იაპონური, შვეიცარიული, კანადური, დანიური, ტაივანური და კორეული კომპანიები.
2022 წლის მსოფლიოს უმსხვილესი კომპანიების ათეული ასე გამოიყურება:
1. Apple - 2.3 ტრილიონი
2. Microsoft - $1.9 ტრილიონი
3. Saudi Aramco - $1.8 ტრილიონი
4. Alphabet - $1.2 ტრილიონი
5. Amazon - $924 მილიარდი აშშ დოლარი
6. Berkshire Hathaway - $686 მილიარდი აშშ დოლარი
7. Tesla - $522 მილიარდი აშშ დოლარი
8. UnitedHealth Group - $510 მილიარდი აშშ დოლარი
9. Johnson & Johnson - $465 მილიარდი აშშ დოლარი
10. Visa - $454 მილიარდი აშშ დოლარი
ამერიკული Mastercard-ი მე-20 ადგილზეა, შვეიცარიული Nestlé – 23-ზეა, Samsungი – 25-ზე, Pfizer-ი - 27-ზე, Coca-Cola – 30-ზე, Alibaba - 36-ზე, McDonald's-ი – 44-ზე.
მოამზადა მაკა ბიბილაშვილმა