„თურქულ მედიკამენტებზე ფასების დასტაბილურება პრემიერის განცხადებამ გამოიწვია თუ თვითონ ბაზარმა დაარეგულირა რთულია გასარკვევია“- ამის შესახებ რადიო „კომერსანტის“ გადაცემაში, „კომერსანტის დილა“ საქართველოს ფარმაცევტთა ასოციაციის პრეზიდენტმა ლევან გოგიბერიძემ ისაუბრა, მისი თქმით თურქული მედიკამენტები სხვა ქვეყნების მიერ წარმოებულ მედიკამენტებთან შედარებით იაფია. როდესაც საუბარი იყო იმაზე, რომ თურქულ მედიკამენტებზე ფასი გაიზარდა ეს ალბათ სადისტრიბუციო კომპანიებს უნდა ვკითხოთ თუ რატომ და რის გამო მოხდა ეს, მისივე თქმით პრემიერის განცხადებაც სწორედ ამან გამოიწვია.
გოგიბერიძე აღნიშნავს, რომ ბიზნესი ცოცხალი ორგანიზმია, რომელიც სხვადასხვა ფაქტორებზე რეაგირებს.
„რეფერენტული ფასების შედეგი, მედიკამენტების გაიაფება უნდა ყოფილიყო, თუმცა უნდა გავითვალისწინოთ ისიც, რომ საწყის ეტაპზე რეფერენტული ფასი 50 მოლეკულას ეხება, ეს არის 1400 - იდან 1500 - მდე წამალი, რომელიც ძირითადად პროგრამული მედიკამენტებია და ფართო მოხმარებისთვის ნაკლებად გამოიყენება, ამიტომ შესაძლებელია, რომ მოსახლეობამ საწყის ეტაპზე შეღავათი ვერ ნახა.
თუმცა სულ რამდენიმე დღეა , რაც რეფერენტული ფასების თემა შევიდა ძალაში და რაღაც შედეგებზე საუბარი ჯერჯერობით ნაადრევია, თუმცა ცნობილია ის, რომ წლის ბოლომდე მთლიანად ბაზარზე არსებული ყველა მედიკამენტი უნდა მოექცეს რეგულირებადი ფასების ქვეშ და შედეგს მოსახლეობაც უფრო დაინახავს.“ - აღნიშნა ლევან გოგიბერძემ.
გოგიბერიძის თქმით რთულია იმის განსაზღვრა მედიკამენტებზე ფასების მატება კომპანიებს შორის ურთიერთქმედებამ თუ ჰოლდინგურმა მიდგომამ გამოიწვია, მისივე თქმით პროცესი მიმდინარეობს და შედეგიც მალე დაიდება.
„არ გამოვრიცხავ იმას, რომ ფასების ზრდა ბაზარზე ურთიერთგავლენის თემაც იყოს და ერთი კომპანია მეორე კომპანიას უყურებდეს, ფასების ზრდა იქნება ეს თუ კლებისკენ მიმართულება, ეს ზოგადად ბაზრის პრინციპია, როდესაც კომპანიები ერთმანეთის ქმედებებს თვალს ადევნებდეს და აქედან იყოს ეს გამოწვეული მაგრამ ნუ გავუსწრებთ მოვლენებს და დაველოდოთ კონკურენციის სააგენტოს დასკვნას. ამის შემდეგ რა თქმა უნდა არაფერი გამორიცხული არ არის. მსოფლიოში ხდება მსგავსი რამ და შეიძლება აქაც ასე იყოს.“ - აღნიშნა ლევან გოგიბერიძემ.
ლევან გოგიბერძე
