არაბეთის გაერთიანებული საემიროებმა უცხოურ ბანკებზეც დაიწყო ლიცენზიის გაცემა. ეს გადაწყვეტილება ემირატებში რუსების მხრიდან ფინანსურ მომსახურებაზე მოთხოვნას უკავშირდება.
არაბთა გაერთიანებულმა საამიროებმა დაამტკიცა საბანკო ლიცენზიის გაცემის შესაძლებლობა იმ რუსული ფინანსური ინსტიტუტისთვის, რომლებიც დასავლეთის სანქციებს არ ექვემდებარებიან. ამის შესახებ Financial Times-ი იტყობინება.
არაბეთის გაერთიანებულ საემიროებში, უკრაინის ომის შემდეგ, ათიათასობით რუსი გადასახლდა, რომელთა უმეტესობა ახლა დუბაიში ცხოვრობს. ბევრ მათგანს საბანკო ანგარიშების გახსნასთან დაკავშირებით გარკვეული სირთულეები ჰქონდა. ამიტომ, გაერთიანებული საემიროების ცენტრალურმა ბანკმა რუსეთის ფედერაციის მოქალაქეებს საქმე გაუადვილა და პირველ უცხოურ ბანკს, ამ შემთხვევაში რუსულს, ლიცენზია მიანიჭა.
„ლიცენზია რუსებს საბანკო ანგარიშებზე წვდომას გაუადვილებს და ამით არაბეთის გაერთიანებულ საემიროებში ფულის ნაკადისთვის ახალი არხი გაიხსნება“, - ნათქვამია სტატიაში.
შეერთებული შტატები და ევროკავშირი შეშფოთებულია რუსეთთან არაბეთის გაერთიანებული საემიროების ფინანსური ჩართულობით. უკრაინაში რუსების სრულმასშტაბიანმა შეჭრამ და სანქციების გამკაცრებამ გავლენა არ მოახდინა ქვეყნებს შორის ურთიერთობებზე და არაბთა საამიროები სულ უფრო ხშირად იქცევა მოსკოვის ფინანსურ თავშესაფრად.
ამასთან, არაბეთის გაერთიანებული საემიროების ხელისუფლება ფინანსურ ინსტიტუტებს სანქციების დაცვისკენ მოუწოდებს. ისინი ცდილობენ, რომ შეამცირონ ამერიკელ და ევროპელ კრედიტორებთან ურთიერთობის დაკარგვის რისკი.