საბანკო სექტორში განთავსებული არასაბანკო დეპოზიტების მოცულობამ 2022 წლის პირველი იანვრისათვის 37.16 მლრდ ლარი შეადგინა, რაც 1.42 მლრდ ლარით, ანუ 3.96%-ით მეტია პირველი დეკემბრისათვის არსებულ მაჩვენებელზე (გაცვლითი კურსის ეფექტის გარეშე 3.72%-ით მეტი). დეკემბერში, წინა თვესთან შედარებით, ადგილი ჰქონდა ვადიანი დეპოზიტების ზრდას 191.41 მლნ ლარით, ანუ 1.25%-ით (გაცვლითი კურსის ეფექტის გარეშე 1.02%-ით გაიზარდა), ხოლო მოთხოვნამდე დეპოზიტები 1.22 მლრდ ლარით, ანუ 6.00%-ით გაიზარდა (გაცვლითი კურსის ეფექტის გარეშე გაიზარდა 5.74%-ით).
2021 წლის 12 თვის მონაცემებით, არასაბანკო დეპოზიტების მოცულობით ლიდერი თიბისი ბანკია, მეორე ადგილს ვადიანი და მოთხოვნამდე დეპოზიტების მაღალი მაჩვენებლით საქართველოს ბანკი იკავებს. ჯამში მხოლოდ ამ ორ ბანკს არასაბანკო დეპოზიტების საერთო მოცულობის თითქმის 53% უჭირავს.
არასაბანკო დეპოზიტების მოცულობით Top5 ბანკის მაჩვენებლები ასეთია:
თიბისი ბანკი - 4,965,352,285 ლარის ვადიანი დეპოზიტები, 5,054,906,447 ლარის მოთხოვნამდე დეპოზიტები;
საქართველოს ბანკი - 6,656,307,186 ლარის ვადიანი დეპოზიტები, 3,167,478,174 ლარის მოთხოვნამდე დეპოზიტები;
ლიბერთი ბანკი - 931,068,043 ლარის ვადიანი დეპოზიტები, 271,101,336 ლარის მოთხოვნამდე დეპოზიტები;
ვითიბი ბანკი ჯორჯია - 893,720,260 ლარის ვადიანი დეპოზიტები, 226,450,020 ლარის მოთხოვნამდე დეპოზიტები;
პროკრედიტ ბანკი - 356,542,859 ლარის ვადიანი დეპოზიტები, 371,002,607 ლარის მოთხოვნამდე დეპოზიტები.
აღსანიშნავია, რომ უცხოური ვალუტით განთავსებულ დეპოზიტებში აშშ დოლარის წილმა 82.89%, ხოლო ევროს წილმა 15.63% შეადგინა.