კომერციული ბანკებისთვის შემოსავლის მთავარ წყაროს გაცემულ სესხზე დარიცხული საპროცენტო სარგებელი წარმოადგენს, თუმცა მათთვის არასაპროცენტო შემოსავლებიც მნიშვნელოვანია. 2022 წლის 8 თვეში 14-მა ქართულმა კომერციულმა ბანკებმა მილიარდ ლარზე მეტი არასაპროცენტო შემოსავალი მიიღო. აღნიშნული მაჩვენებელი თითქმის 200 მლნ ლარით მეტია წინა წლის ანალოგიურ პერიოდთან შედარებით. 

მიმდინარე წლის 8 თვეში ყველაზე მეტი 470.9 მლრდ ლარის არასაპროცენტო შემოსავალი „თიბისი ბანკს“ აქვს, მეორე და მესამე ადგილს კი შესაბამისად „საქართველოს ბანკი“ და „ბაზის ბანკი“ ინაწილებენ. რაც შეეხება ზრდას წინა წელთან შედარებით, ამ მხრივ ყველაზე მნიშვნელოვანი მატება „ბაზის ბანკს“ აქვს.

8 თვის მონაცემებით, კომერციული ბანკების მთლიანი არასაპროცენტო შემოსავალი ასეთია:

თიბისი ბანკი —  470,97 მლნ ლარი (2021 წლის 8 თვე — 418,2 მლნ ლარი)

საქართველოს ბანკი —  469,4 მლნ ლარი (2021 წლის 8 თვე — 295,4 მლნ ლარი)

ბაზის ბანკი —  71,5 მლნ ლარი (2021 წლის 8 თვე — 3,4 მლნ ლარი)

კრედო ბანკი —  49,5 მლნ ლარი (2021 წლის 8 თვე — 40,5 მლნ ლარი)

ლიბერთი ბანკი —  25,7 მლნ ლარი (2021 წლის 8 თვე — 18,3 მლნ ლარი

პროკრედიტ ბანკი —  10,2 მლნ ლარი (2021 წლის 8 თვე — 11,2 მლნ ლარი)

პაშა ბანკი —  6,1 მლნ ლარი (2021 წლის 8 თვე — 3,3 მლნ ლარი)

ქართუ ბანკი —  4 მლნ ლარი(2021 წლის 8 თვე — 7,5 მლნ ლარი)

იშ ბანკი —  3 მლნ ლარი (2021 წლის 8 თვე — 2,5 მლნ ლარი)

ტერა ბანკი —  2,6 მლნ ლარი (2021 წლის 8 თვე — 3,1 მლნ ლარი)

ხალიკ ბანკი —  2,6 მლნ ლარი (2021 წლის 8 თვე — 2,1 მლნ ლარი)

ზირაათ ბანკი —  1,2 მლნ ლარი (2021 წლის 8 თვე — 556 ათასი ლარი)

ვითიბი ბანკი —  ზარალი 66,9 მლნ ლარი (2021 წლის 8 თვე — 22,2 მლნ ლარი)

სილქროუდ ბანკი — ზარალი 221 ათასი ლარი (2021 წლის 8 თვე — 791 ათასი ლარი)