20 იანვარს სომხეთში ყარაბაღის ომში დამარცხების შემდეგ დანიშნული ვადამდელი საპარლამენტო არჩევნები ჩატარდა. ორი ძირითადი ძალის - პრემიერ-მინისტრ ნიკოლ ფაშინიანის და ექს-პრეზიდენტის რობერტ კოჩარიანის შეურიგებელმა დაპირისპირებამ ამ არჩევნებს სკანდალურობა შემატა.
არც ერთი მხარე, საკუთარი გამარჯვების გარდა, სხვა შედეგს არ აღიარებს და ერევანი ხანგძლივი ქუჩის ბრძოლისთვის ემზადება. ეს განსაკუთრებით აქტუალურია მაშინ, როდესაც აზრები ქვეყენაში თითქმის 50-50-ზრეა გაყოფილი - ქვეყნის ნახევარი თვლის რომ სომხეთის ამჟამინდელ მძიმე მდგომარეობაში შეყვანაში დამნაშავეა დღევანდელი ხელისუფლება და ამდენივე ამაში წინა მთავრობას ადანაშაულებს.
„სომხეთის ისტორიაში არც ერთ არჩევნებზე ამდენი დარღვევა არ ყოფილა“, - ასე შეაფასა ჩატარებული კენჭისყრა მთავარმა ოპოზიციურმა კანდიდატმა, ექს-პრეზიდენტმა რობერტ კოჩარიანმა.
თავის მხრივ, მოქმედმა პრემიერ-მინისტრმა ნიკოლ ფაშინიანმა გავლენიანი ბიზნეს-სტრუქტურები, მათ შორის „გაზპრომის“ სომხეთის წარმომადგენლობა და ქვეყნის უმსხვილესი ენერგოკომპანია „სომხეთის ელექტროქსელები“ ოპოზიციის სასარგებლოდ ამომრჩეველთა მოსყიდვაში ამხილა.
«ვერ გავიგე - „გაზპრომი“ სომხეთის მთავრობის და ხალხის საწინაამღდეგოდ მუშაობს? ყველას გაფრთხილებთ - სასამართლოს წინაშე წარდგებით. თქვენ ცალ-ცალკე და ჯგუფურად გაგასამართლებენ“, - განაცხადა ფაშინიანმა.
პრემიერ-მინისტრის თქმით, მოწინაამღდეგეები არჩევნების შემდეგ სიტუაციის დესტაბილიზებას შეეცდებიან, თუმცა, „მათ არაფერი გამოუვათ“.
„არავითარი მოვლენები არჩევნების შემდეგ არ იქნება. ქვეყნებში, სადაც არჩევნები არ ყალბდება, არც პოსტ-საარჩევნო მოვლენები ხდება. ჩვენთან არის ჯგუფი, რომელსაც ქვეყანაში სამოქალაქო ომის გაღვივება სურს, მაგრამ ისინი ამას ვერ მიაღწევენ“, - დარწმუნებულია ფაშინიანი.
მთელი წინასაარჩევნო კამპანიის ძირითადი ღერძი არა მომავალი განვითარების ვექტორის გარკვევა, არამედ აზერბაიჯანთან ომის წაგებაში დამნაშავის ძებნა იყო.
ოპოზიცია, რა თქმა უნდა, ყველაფერში მოქმედ პრემიერ-მინისტრს ადანაშაულებს, თავად ფაშინიანის აზრით კი, ომში მტკივნეული დამარცხება წინა ხელისუფლების მხრიდან ქვეყნის გაპარტახების, ცუდი მმართველობის, კორუფციის, მასობრივი ემიგრაციის და ჯარის დაშლის შედეგი იყო.
პრემიერი თავის საბრძოლო განწყობას არ მალავს და აცხადებს, რომ ახალი მანდატი მას კორუფციონერების პასუხისგებაში მიცემის და არაეფექტური მმართველობითი სისტემის დაშლის შესაძლებლობას აძლევს.
ის ამჟამინდელ მოვლენებს არა ხავერდოვან, არამედ „ფოლადის რევოლუციას“ უწოდებს - საარჩევნო შეხვედრებზე ფაშინიანი რამდენიმეჯერ ჩაქუჩით ხელში გამოჩნდა.
მმართველი პარტიის მთავარი დაპირებაა რუსეთთან და ირანთან სომხეთის სარკინიგზო მიმოსვლის აღდგენა, ეს კი თურქეთთან საზღვრების და აზერბაიჯანთან დერეფნების გახსნის გარეშე შეუძლებელია. მოლაპარაკებები ამ საკითხზე უკვე მიმდინარეობს, თუმცა მათ ეროვნულ ღალატის აჩრდილი აფერხებს.
განსაკუთრებით ნეგატიურად აღიქმება სომხეთში ე.წ. „ზანგეზურის დერეფანი“, რომელიც აზერბაიჯანის ძირითადი ტერიტორიის ნახიჩევანის ექსკლავთან სომხეთის გავლით გულისხმობს. ითვლება, რომ ეს პროექტი სომხეთის ტერიტორიის ნაწილის ბაქოსთვის გადაცემას ნიშნავს.
პაშინიანი ამ შიშების გაქარწყლებას ცდილობს და ამბობს, რომ კომუნიკაციების გახსნა მხოლოდ სომხეთის სუვერენიტეტის ფარგლებში მოხდება.
პაშინიანს სომხეთში მრავალი სერიოზული ძალა უპირისპირდება - მათ შორისაა ინტელიგენციის დიდი ნაწილი, თითქმის მთელი პოლიტიკური სპექტრი, სახელისუფლებო პარტიის გარდა, სომხეთის ეკლესია, და ა.შ.
თუმცა, ოპოზიციას, რომელშიც ძირითადად ყოფილი ხელისუფლების წარმომადგენლები დომინირებენ, ძალიან ცუდი რეპუტაცია აქვს, რაც ომში წაგებულ პაშინიანს არჩევნებში გამარჯვების შესაძლებლობას აძლევს.
ამ დროისთვის არჩევნების წინასწარი შედეგები უკვე დათვლილია, და პირველ ადგილზე კვლავ ნიკოლ პაშინიანის პარტია გადის - მას ხმების თითქმის 54% ერგო, შესაბამისად, მმართველ ძალას მთავრობის დაკომპლექტება ოპოზიციასთან შეთანხმების გარეშეც შეუძლია.
ამასობაში მხარეები ქუჩის აქციებისთვის ემზადებიან - ხელისუფლებაც და ოპოზიციაც თავის მომხრეებს ქუჩაში უხმობენ.
წყარო: kommersant.ru