„რესპუბლიკაში“ სადაზღვევო კომპანია „არდისა და მსოფლიოში წამყვან ჰოსპიტალების ქსელ „აჯიბადემს“ შორის მემორანდუმი გაფორმდა. მემორანდუმის თანახმად „არდის“ დაზღვეულები განახლებული პირობებითა და ლოიალობის პროგრამით „აჯიბადემის“ თურქეთის 16 ჰოსპიტალსა და 8 ამბულატორიულ კლინიკაში ისარგებლებენ.

ლოიალობის პროგრამა - Health Point Card ამ სახით სპეციალურად „არდის“ დაზღვეულებისთვის შეიქმნა და როგორც ქართულ, ისე თურქულ ბაზარზე უპრეცედენტოა. მისი მეშვეობით „არდელები“ დამატებით 10-მდე პრივილეგირებულ მომსახურებას მიიღებენ. მათ შორის: ექსკლუზიური 25%-იანი ფასდაკლება „აჯიბადემის“ ყველა მომსახურებაზე, 40%-იანი ფასდაკლება სრულ სამედიცინო გამოკვლევაზე (check up), ფიქსირებული მინიმალური ფასები უნიკალური კიბერ ინსტრუმენტით (Cyber Knife) ჩატარებულ ოპერაციებზე და პოზიტრონულ-ემისიურ კომპიუტერულ ტომოგრაფიაზე (PET-CT), უფასო პირველადი სტომატოლოგიური გამოკვლევა, მეორე სამედიცინო აზრი წერილობითი ფორმით, თურქეთის აეროპორტებში არსებული „აჯიბადემის ლაუნჯ“ ზონებით სარგებლობა, აეროპორტში დახვედრა და უფასო ტრანსფერი, ფასდაკლებები სხვადასხვა სასტუმროებსა და კვების ობიექტებში, უფასო სასწრაფო დახმარების მომსახურება თურქეთში ყოფნისას, თარჯიმნის უფასო მომსახურება და სხვ.

როგორც „კომერსანტთან“ სადაზღვევო კომპანია „არდის“ ბიზნესის განვითარების დირექტორმა თეონა გოდერიძემ აღნიშნა, პრივილეგირებული მომსახურების ასეთი კომბინირებული პროგრამა ACIBADEM-ისთვის პირველი პრეცედენტია, როგორც საქართველოში, ასევე თურქეთშიც. პროგრამა 5 წლის განმავლობაში იმოქმედებს და ორივე გუნდის აქტიური კოლაბორაციით პერიოდულად დაემატება სხვა მომსახურებებიც, რომლებიც „არდის“ ბარათის მფლობელებზე ავტომატურად გავრცელდება. მისივე თქმით, ერთ-ერთი მთავარი კომპონენტი არის ის, რომ ბარათის მფლობელის გარდა, მისი მეუღლე და შვილებიც ისარგებლებენ ანალოგიური პრემიუმ სერვისებით, იმის მიუხედავად იქნებიან თუ არა ისინიც, არდის ბენეფიციარები.

თუ რატომ აირჩია სადაზღვევო კომპანია „არდიმ“ „აჯიბადემთან“ თანამშრომლობა ამაზე, „კომერსანტთან“ „არდის“ გენერალურმა დირექტორმა მიხეილ ჯაფარიძემ ისაუბრა. მისი თქმით, „აჯიბადემის“ ქსელი ცნობილია არა მხოლოდ თურქეთში, არამედ მთელ მსოფლიოში. კლინიკას თურქეთის ტერიტორიაზე აქვს 16 ჰოსპიტალი, 8 ამბულატორიული ცენტრი და 10 ოფისი. აღნიშნული ქსელი განსაკუთრებული ნდობით სარგებლობს ქართველ პაციენტებში განსაკუთრებით რთული დიაგნოზების მართვისას.

„ერთ-ერთი მიზეზი, თუ რატომაც დავიწყეთ მათთან თანამშრომლობა ჯერ კიდევ 2019 წელს, საქართველოში ამ კლინიკის ქსელის და მისი სერვისების მიმართ ძალიან დიდი მოთხოვნის არსებობა იყო. დღეის მდგომარეობით ამ ქსელის მომსახურებით დაახლოებით 300-მდე ჩვენი დაზღვეული სარგებლობს ყოველწლიურად. განსაკუთრებით ეს ეხება მეორე სამედიცინო აზრს. არსებობს შემთხვევები, როდესაც საქართველოში დასმული დიაგნოზის ვერიფიცირებაა საჭირო. მეორე სამედიცინო აზრის მოსაძიებლად ყველა საჭირო პროცედურას ჩვენი გუნდი აორგანიზებს, დაზღვეულისთვის სრულიად უფასოდ.
2019 წლის შემდეგ ეს თანამშრომლობა გაფართოვდა, ვინაიდან მათთვის ცნობილი გახდა ის აქცენტები და ღირებულებები, რითიც არდიში ვხელმძღვანელობთ თითოეული დაზღვეულის მომსახურებისას. ამის დასტურად, თანამშრომლობის განვითარების შემდეგი ნაბიჯი იყო სწორედ აღნიშნული ლოიალობის პროგრამა, მით უფრო ასეთი ფართო შემადგენელით. დიდი შეღავათია, როდესაც ჯანმრთელობის პრობლემის არსებობისას, ადამიანის ისედაც სტრესულ მდგომარეობას, ლოგისტიკურ და საორგანიზაციო ნაწილზე ფიქრი აღარ ემატება და ყველა თანმდევ სერვისს „არდი“ უფასოდ, მისი საერთაშორისო პარტნიორის საშუალებით უორგანიზებს.

შესაძლოა ქართული ჯანდაცვა ისე განვითარდეს, რომ დაზღვეულებმა სრული სერვისების საქართველოში ჩატარება შეძლონ, თუმცა დღეის მდგომარეობით არის შემთხვევები, როდესაც დიაგნოზში ან მკურნალობის სქემაში გარკვეული შეცდომებია, ასევე ტექნოლოგიურადაც ბევრი გამოწვევაა. ამიტომ ეს შესაძლებლობა „არდის“ დაზღვეულებს არჩევანის საშუალებას აძლევს“ - აღნიშნა მიხეილ ჯაფარიძემ.

„ჩვენი გუნდი აქტიურად მუშაობს საერთაშორისო პარტნიორების ქსელის განვითარებაზე. თურქეთთან ერთად, გვყავს პარტნიორები ისრაელში, ვამატებთ ევროპულ ქვეყნებსაც. თუმცა მოცემულ მომენტში თურქეთს იმდენად კარგი საფასო ნაწილი აქვს მაღალი სტანდარტების მომსახურების კვალდაკვალ, ავიაბილეთიც იაფია, ახლო მდებარეობა და მსგავსი კლიმატიც კი, ერთად ბევრ პლუსს ქმნის, რის გამოც ადამიანები ამჯობინებენ სამკურნალოდ თურქეთის კლინიკებს მიმართონ და მოთხოვნაც ყოველწლიურად მაღალია“, - აღნიშნა მიხეილ ჯაფარიძემ.

მემორანდუმის ხელმოწერის პარალელურად, ასევე მნიშნელოვანი შესაძლებლობა გახდა ცნობილი. „აჯიბადემის“ აღმასრულებელი დირექტორის რასიმ ტოპუზის განცხადებით „არდის“ აფილირებული და პარტნიორი ექიმები ACIBADEM University-ის ბაზაზე კვალიფიკაციის ამაღლებას და გადამზადებას შეძლებენ.

რაც შეეხება კონფერენციის დეტალებს, აჯიბადემის წარმომადგენლებმა, ჯანდაცვის მიმართულებით, სხვადასხვა მნიშვნელოვან თემაზე ისაუბრეს. აღსანიშნავია, აჯიბადემის გამორჩეული ონკოლოგ-გინეკოლოგის - პროფესორ ფარუკ აბიკეს ჩართულობა, რომელმაც საკუთარი ცოდნა და გამოცდილება ლაპარასკოპიული რობოტული (Da Vinci) ქირურგიის გამოყენებით, როგორც სამედიცინო სფეროს, ასევე კერძო და სახელმწიფო სექტორის წარმომადგენლებს გაუზიარა. აღსანიშნავია, რომ ეს მიმართულება ერთ-ერთი ყველაზე სწრაფად განვითარებადია როგორც მსოფლიოში, ისე ACIBADEM-ის ქსელში და ემსახურება უახლესი სამედიცინო მიმართულების - ინტუიციური ქირურგიის ფორმირებას.

(R)