Foxconn-ის ფლაგმანი iPhone-ის ქარხანა ჩინეთში, მიმდინარე კვირაში მუშათა არეულობის გამო მიწოდებას კიდევ უფრო შეამცირებს, - ამის შესახებ ინფრომაციას reuters ავრცელებს. როიტერს რამდენიმე ანონიმურმა წყარომ დაუდასტურა, რომ ათასობით თანამშრომელმა ქარხანაში სამსახური დატოვა.
მსოფლიოში ყველაზე დიდი aplle ipone - ის ქარხანა (AAPL.O) Covid 19 - ის შეზღუდვების ქვეშაა, რამაც ქარხნის მუშები გააბრაზა და წარმოება შობის და ახალი წლის წინ შეფერხდა იმის გამო შეფერხდა, რომ ბევრი თანამშრომელი ან იზოლაციაში იყო ან სამსახურიდან გაიქცა.
ქარხანა ერთადერთია, რომელიც აწარმოებს iPhone-ის პრემიუმ მოდელებს, მათ შორის iPhone 14 Pro-ს და წყაროს თქმით, ნაკლებად სავარაუდოა, რომ თვის ბოლომდე წარმოება სრული დატვირთვით განახლდეს. Foxconn და Apple აღნიშნულ საკითხზე კომენტირებისგან თავს იკავებენ.
პარასკევს გვიან დილით ვაჭრობაში Apple-ის აქციები 1.9%-ით, ხოლო Nasdaq-ის ძირითადი ინდექსი 0.3%-ით დაეცა. თუმცა Apple კვლავ განიხილება, როგორც ტექნოლოგიური სექტორში ერთ-ერთი ყველაზე გამძლე კომპანია.
wedbush Securities-ის შეფასებით, დღეს Apple-ის ბევრ მაღაზიას ჩვეულებრივ სადღესასწაულო სავაჭრო სეზონთან შედარებით 25%-დან 30%-ით ნაკლები iPhone 14 Pro აქვს.
7 ნოემბერს გამოქვეყნებულ განცხადებაში Apple-მა განაცხადა, რომ iPhone 14 Pro და iPhone 14 Pro Max მიწოდება მოსალოდნელზე უფრო დაბალი იქნებოდა.
Foxconn-ის მიერ ბოლო კვირებში დაქირავებულმა ზოგიერთმა რეკრუტმა განაცხადა, რომ მათ თანამშრომლები კომპენსაციასა და ანაზღაურებასთან დაკავშირებით შეცდომაში შეიყვანეს, მოგვიანებით კომპანიამ ანაზღაურებასთან დაკავშირებულ „ტექნიკურ შეცდომაზე“ ბოდიში მოიხადა და თანამშრომლებს 10 000 იუანი, ანუ 1400 დოლარი შესთავაზა.
პარასკევს ჩინურ სოციალურ მედიაში გამოქვეყნებული ვიდეოებში ჩანს მუშათა გრძელი რიგები რომლებიც კომპანიას ტოვებენ, ვიდეოები „სახლში წასვლის დროა“ სათაურით ვრცელდება.
ანონიმური წყაროს ცნობით ქარხანას პრობლემების დაწყებამდე 200 000-ზე მეტი თანამშრომელი ჰყავდა, რომლებიც დაახლოებით 1,4 მილიონი კვადრატული მეტრ ტერიტორიაზე იყვნენ განთავსებული, მოიცავს საერთო საცხოვრებელს, რესტორნებს, კალათბურთის მოედნებს და ფეხბურთის მოედანს.
თაკო კვაჭანტირაძე