საბერძნეთმა და მალტამ გაყინეს რუსი ოლიგარქების ყველაზე ნაკლები აქტივები ევროკავშირის  ქვეყანებს შორის. საუბარია უკრაინაში შეჭრისთვის დაწესებული სანქციებით დაკავებულ თანხებზე, წერს Reuters.

ევროკომისიის შიდა დოკუმენტის მიხედვით, რომელსაც გამოცემა ეყრდნობა დღეისათვის 27 ქვეყანამ გააყინა 20,3 მილიარდი ევრო  რუსული აქტივები. მათ შორის, იტალიამ, ირლანდიამ, საფრანგეთმა, ესპანეთმა, გერმანიამ, ბელგიამ, ლუქსემბურგმა და ავსტრიამ თითო  მილიარდი ევრო.

ევროკავშირის დანარჩენ ქვეყნებს მილიონობით დოლარის აქტივები აქვთ გაყინული. რაც შეეხება საბერძნეთსა და მალტას, მათი მონმაცემები გაცილებით მოკრძალებულია: 212 000 ევრო და 147 000 ევრო, შესაბამისად. ”ცოტა გასაკვირია… ან ბევრი რუსული აქტივი არ არის იქ, ან არ ასრულებენ თავიანთ მოვალეობას”, - აცხდებს ევროპელი ჩინოვნიკი Reuters-თან. 

საბერძნეთის ხელისუფლების წარმომადგენელმა განაცხადა, რომ რუსული აქტივების იდენტიფიცირება ათენმა ევროკავშირის სანქციების სიის საფუძველზე მოახდინა. თანხის სიმცირეს კი საბერძნეთში იმით ხსნიან, რომ „საბერძნეთში საინვესტიციო გარემო არ არის ხელსაყრელი რუსული კაპიტალისა და ოფშორული კომპანიების შედინებისთვის“.

მალტის პრემიერ-მინისტრის სპიკერმა კი განაცხადა, რომ ქვეყანა დაეხმარა სხვა ევროპულ სახელმწიფოებს ისეთი აქტივების ჩამორთმევაში, როგორიცაა იახტები, რომლებიც რეგისტრირებული იყო მალტაში, მაგრამ ფიზიკურად სხვაგან მდებარეობდა. მათ ასევე აღნიშნეს, რომ რესპუბლიკასა და რუსეთს შორის ვაჭრობის შემცირებამ კიდევ ერთხელ აჩვენა ხელისუფლების ერთგულება ევროკავშირის გადაწყვეტილებების მიმართ.

რუსეთსა და უკრაინას შორის ომის 10 თვის განმავლობაში 1300 ადამიანი და 120 ორგანიზაცია მოხვდა ევროკავშირის სანქციების სიაში. შეზღუდვები ეხება ვაჭრობას, ტრანსპორტს, ენერგეტიკას, საბანკო საქმეს, მედიასა და თავდაცვის სექტორს.