აშშ და გერმანია უკრაინის სუვერენიტეტს და ტერიტორიულ მთლიანობას, მის მიერ გაკეთებულ ევროპულ არჩევანს მხარს მტკიცედ უჭერენ და დღეს ჩვენ  რუსული აგრესიისთვის და უკრაინის მიმართ მოსკოვის ბოროტმოქმედებისთვის წინაამღდეგობის გაწევის ვალდებულებას ვიღებთ.

აშშ და გერმანია ერთიანები არიან სურვილში, რუსეთს პასუხი ვაგებიოთ აგრესიისთვის სანქციების და სხვა ინსტრუმენტების გამოყენებით.

თუ რუსეთი ენერგეტიკის გამოყენებას აგრესიის ინსტრუმენტად შეეცდება, ან უკრაინის წინაამღდეგ აგრესიული ქმედებებს წამოიწყებს, მზად ვართ ეფექტიური საპასუხო ზომებისთვის, მათ შორის სანქციებისთვის.

ეს ვალდებულება უნდა გახდეს იმის გარანტი, რომ რუსეთი ბოროტად არ გამოიყენებს მილსადენებს, მათ შორის „ჩრდილოეთის ნაკადი-2“-ს და არ გამოიყენებს ამ ინფრასტრუქტურას, როგორც პოლიტიკურ იარაღს.

ჩვენ მხარს ვუჭერთ უკრაინის, ცენტრალური და აღმოსავლეთ ევროპის ენერგეტიკულ დამოუკიდებლობას. გერმანია და აშშ ერთიანები არიან რწმენაში, რომ გაზის ტრანზიტი უკრაინის გავლით 2024 წლის შემდეგ  გაგრძელება უკრაინის და ევროპის ინტერესებშია. ამიტომაც გერმანია გამოიყენებს ხელთარსებულ ყველა ბერკეტს იმისთვის, რომ ტრანზიტის თაობაზე შეთანხმება კიდევ 10 წლით გაგრძელდეს.

აშშ სრულად დაუჭერს მხარს გერმანიას ამ ძალისხმევაში.

აშშ და გერმანია მტკიცედ უჭერენ მხარს ბრძოლას კლიმატურ ცვლილებებთან და ატმოსფეროს დაბინძურების ნულოვან დონემდე შემცირებას  2050 წლისთვის. ამიტომაც ჩვენ დავიწყეთ ამერიკულ-გერმანული პარტნიორობა კლიმატის და ენერგეტიკის საკითხებში.

გერმანია იღებს თავის თავზე  უკრაინისთვის „მწვანე ფონდის“ შექმნის  ვალდებულებას, რომელიც შეუწყობს ხელს უკრაინის ენერგოდამოუკიდებლობას და გაზრდის მის ენერგოეფექტურობას. აშშ და გერმანია დაუჭერენ მხარს და მოიზიდავენ სულ მცირე 1 მლრდ. დოლარის ინვესტიციებს ამ ფონდში, მათ შორის კერძო სექტორის მხრიდან.

პირველ ეტაპზე გერმანია ფონდში 175 მლნ. დოლარს შეიტანს და თავისი ვალდებულებების გაზრდაზე უახლოეს წლებში იმუშავებს. ფონდის მიზანია უკრაინაში ენერგიის განახლებადი წყაროების დანერგვა, წყალბადის ტექნოლოგიების განვითარება, ენერგოეფექტურობის გაზრდა და ნახშირბადის გამოყოფის შემცირება.

გერმანია ასევე მზადაა უკრაინის ენეგროუსაფრთხოების გარანტიისთვის „მდგრადობის პაქტის“ ამოქმედებისთვის, რომელიც უკრაინის ტრანზიტის შენარჩუნებას გერმანიის ტერიტორიიდან გაზის გადამისამართების ხარჯზე უზრუნველყოფს. ეს მექანიზმი იმ შემთხვევაში ამოქმედდება, თუ რუსეთი უკრაინაში გაზის მიწოდების შემცირებას შეეცდება.

გეგმა ასევე ითვალისწინებს უკრაინის  ჩართვას ევროპის ელექტროენერგეტიკის ქსელში, უკრაინის ენერგოსისტემის რეფორმირებას და გაზის ტრანსპორტირების სისტემის მოდერნიზებას.

state.gov