რუსი მაღალჩინოსნის განცხადებით, თუ აშშ-ის სენატი „რუსეთის ტერორიზმის დამფინანსებელ სახელმწიფოდ აღიარების შესახებ კანონს მიიღებს, ორ ქვეყანას შორის დიპლომატიური კავშირები ძლიერ დაზიანდება და შესაძლოა, შეწყდეს კიდეც, - ამის შესახებ Al Jazeera წერს.
რუსეთი საგარეო საქმეთა სამინისტროს ჩრდილოეთ ამერიკასთან ურთიერთობის დეპარტამენტის ხელმძღვანელის, ალექსანდრ დარჩიევის განცხადებით, „უკრაინაზე აშშ-ის გავლენა იმდენად გაიზარდა, რომ ამერიკელები სულ უფრო მეტად ხდებიან კონფლიქტის პირდაპირი მხარე“.
„შეერთებულმა შტატებმა და ევროპამ, რომლებიც ომში პირდაპირ ჩართვას ერიდებიან, უარყვეს უკრაინის მოთხოვნა ფრენის აკრძალული ზონის შექმნის შესახებ, რათა დახმარებოდნენ მას, დაეცვა თავისი ცა რუსული რაკეტებისა და სამხედრო თვითმფრინავებისგან“, - წერს Al Jazeera.
„პოლიტიკოს“ ცნობით, აშშ-ის კონგრესი ორპარტიული აქტის მისაღებად ემზადება, რომლითაც რუსეთის ტერორიზმის მხარდამჭერ სახელმწიფოდ აღიარება სახელმწიფო დეპარტამენტის გვერდის ავლით მოხდება. დოკუმენტის ინიციატორი კონგრესმენი ტედ ლიუსია.
ცოტა ხნის წინ, ლატვიამ რუსეთი „ტერორიზმის სპონსორ სახელმწიფოდ“, უკრაინაში მისი ქმედებები კი „ტერორიზმად“ აღიარა.
წყარო: imedinews.ge