აშშ-ის ორი მოქალაქე კანზას სიტიში რუსეთში საავიაციო ტექნოლოგიების სავარაუდო გადაცემის ბრალდებით დააკავეს. ამის შესახებ Reuters-თან აშშ-ის ვაჭრობის დეპარტამენტის წარმომადგენელმა მეთიუ აქსელროდმა განაცხადა.

59 წლის კირილ გრეგორი ბუიანოვსკის და 55 წლის დუგლას რობერტსონს რამდენიმე ბრალდება ემუქრებათ, მათ შორის კონტროლირებადი საქონლის ექსპორტი ლიცენზიის გარეშე, ელექტრონული საექსპორტო ინფორმაციის გაყალბება და აშშ-ის კანონმდებლობის საწინააღმდეგოდ საქონლის კონტრაბანდა.

Reuters-ი წერს, რომ უკრაინაში რუსული სპეცოპერაციის დაწყების შემდეგ, შეერთებულმა შტატებმა და სხვა ქვეყნებმა შემოიღეს ექსპორტის კონტროლი, რომელიც ზღუდავდა რუსეთის ხელმისაწვდომობას ტექნოლოგიაზე და სხვა საკითხებზე, რომლებსაც შეეძლოთ „მისი სამხედრო მანქანის მხარდაჭერა.

კომერციის მდივნის თანაშემწემ ექსპორტის კონტროლის საკითხებში მეთიუ აქსელროდმა ამ დაპატიმრებების შესახებ განცხადება ამერიკის ადვოკატთა ასოციაციის ღონისძიებაზე მაიამიში გააკეთა. თუმცა, დაკავების დეტალებზე არ უსაუბრია, მაგრამ აღნიშნა, რომ კომერციის დეპარტამენტი ამ საკითხზე მუშაობს FBI-სა და იუსტიციის დეპარტამენტის პროკურორებთან.