აშშ-მა აზიის რამდენიმე ქვეყანას სთხოვა გაათავისუფლონ ნავთობის სტრატეგიული მარაგები, რათა ზეწოლა მოახდინონ OPEC-ზე და მიაღწიონ ფასების დააკლებას. Reuters წყაროზე დაყრდნობით, იუწყება “ნავთობპროდუქტების იმპორტიორთა კავშირი”.
სააგენტოს ცნობით, ბაიდენის ადმინისტრაციამ თხოვნით მიმართა მსხვილ მომხმარებლებს – იაპონიას, სამხრეთ კორეას, ინდოეთსა და ჩინეთს. ამბობენ, რომ ტოკიოში დადებითდი რეაგირება მოახდინეს ვაშინგტონის წინადადებაზე, მაგრამ საბოლოო პასუხი ჯერ არცერთ ქვეყანას არ გაუცია.
კითხვაზე, თუ რატომ მიმართეს ინდოეთს, რომელსაც საკმაოდ მცირე სტრატეგიული მარაგები გააჩნია, სააგენტოს ერთ-ერთმა თანამოსაუბრემ უპასუხა, რომ აქ მთავარი სოლიდარობაა. ”მნიშვნელოვანია, რომ უმსხვილესმა მომხმარებლებმა აჩვენონ OPEC-ს, რომ კარტელმა უნდა შეცვალოს თავისი ქცევა,” – თქვა მან.
Reuters აღნიშნავს, რომ ამერიკული შეფასებით, ბაზრებზე გავლენის მოხდენის მიზნით აშშ-ს მარაგებიდან 20-30 მილიონი ბარელი მარაგების გათავისუფლება სჭირდება. ეს ნაბიჯი არ მოახდენს სერიოზულ გავალენას ბაზარზე.
შეერთებულმა შტატებმა ადრე თხოვნით მიმართა OPEC-ს მოპოვების კვოტების შეცვლასთან დაკავშირებით, რათა გავლენა მოეხდინა ბაზარზე, მაგრამ წარმატებით არ დასრულებულა.
აშშ ოფიციალურად არანაირად არ აკეთებს კომენტარს ბაიდენის მიმართვის ინფორმაციასთან დაკავშირებით, რაც იმაზე მიუთითებს, რომ არავითარი გადაწყვეტილება არ არსებობს.
წყარო: ენერგონიუსი