აშშ-ს წარმომადგენელთა პალატა იკვლევს კანონს რუსული ნავთობის იმპორტის აკრძალვის შესახებ, - ამის შესახებ ინფორმაციას გამოცემა Guardian-ი, აშშ-ს წარმომადგენელთა პალატის სპიკერის ნენსი პელოსის მიერ გავრცელებულ განცხადებაზე დაყრდნობით ავრცელებს.
მათივე ინფორმაციით, კონგრესი აპირებს, უკრაინისთვის ამ კვირაში 10 მილიარდი დოლარის დახმარება გამოიყოს.
„ბაიდენის ადმინისტრაციამ უკრაინისთვის 10 მილიარდი დოლარის ჰუმანიტარული, სამხედრო და ეკონომიკური დახმარება მოითხოვა. კონგრესი აპირებს, ეს გადაუდებელი დახმარება ამ კვირაში ამოქმედდეს. გარდა ამისა, პალატა ამჟამად იკვლევს მძლავრ კანონპროექტს, რომელიც გლობალური ეკონომიკისგან რუსეთის კიდევ უფრო იზოლირებას მოახდენს. ჩვენი კანონპროექტი ითვალისწინებს რუსული ნავთობისა და ენერგო პროდუქტების შეერთებულ შტატებში იმპორტის აკრძალვას, რუსეთთან და ბელარუსთან ნორმალური სავაჭრო ურთიერთობების გაუქმებას და გადაიდგმება პირველი ნაბიჯი, რუსეთის მსოფლიო სავაჭრო ორგანიზაციაში შესვლის აკრძალვის მიმართულებით. ჩვენ ასევე აღმასრულებელ შტოს მივცემთ უფლებას, გაზარდოს ტარიფები რუსულ იმპორტზე“, - ნათქვამია წარმომადგენელთა პალატის სპიკერის განცხადებაში, რომელსაც გამოცემა Guardian-ი ავრცელებს.
ipn.ge
ნავთობი
