აშშ-ის დაავადებათა კონტროლისა და პრევენციის ცენტრი გერმანიასა და დანიაში კოვიდ 19-ით ინფიცირების შემთხვევების ზრდის გამო მოქალაქეებს ამ ქვეყნებში მოგზაურობისგან თავის შეკავებას ურჩევს.
უწყებამ დანიასა და გერმანიაში მოგზაურობასთან დაკავშირებით გაფრთხილების უმაღლესი, მეოთხე დონე გასცა, რაც ნიშნავს, რომ აშშ-ის მოქალაქეებმა თავი უნდა შეიკავონ ევროპის ამ ქვეყნებში მოგზაურობისგან.
ამასთან, პარალელურად, აშშ-ის სახელმწიფო დეპარტამენტმა გასცა რეკომენდაცია, რომ მოქალაქეებმა გერმანიასა და დანიაში „არ იმოგზაურონ“.
გერმანიაში, ბოლო დღეების განმავლობაში, ინფიცირების მაჩვენებელი მნიშვნელოვნად გაიზარდა. მთავრობამ მიიღო გადაწყვეტილება, იმ რეგიონებში, სადაც საავადმყოფოები გადავსებულია, შეზღუდვები დააწესოს. გერმანიის ჯანდაცვის მინისტრმა იენს შპანმა არ გამორიცხა, ქვეყანა მეზობელი ავსტრიის მაგალითს მიჰყვეს, სადაც, შემთხვევების შემცირების მიზნით, სრული „ლოქდაუნი“ დაწესდა.
ipn.ge
კოვიდ 19
