აშშ-ში 23 დეკემბრისთვის წინა დღესთან შედარებით ბუნებრივი აირის მოპოვებამ 10%-ით იკლო, ამის მიზეზი კი ქვეყნის გარკვეულ ტერიტორიაზე არასახარბიელო კლიმატური პირობებია - წერს Bloomberg.
სააგენტოს მონაცემებით, გაზის მოპოვების ძირითად რაიონებში, მათ შორის, ტექსასის შტატში, რომელიც მთავარი მიმწოდებელია, ტემპერატურა ნულს ქვემოთ დაეცა. ამან კი გამოიწვია მილების მოყივნა და მოპოვების შეჩერება.
ამასთან, აღნიშნულია, რომ ქვეყნის შიგნით გაზის მოხმარება გაზრდილია 2019 წლის მაქსიმალურ დონემდე.
ძლიერი სიცივეები და ქარბუქი ამერიკის ცალკეულ რეგიონებს გასულ კვირას დაატყდა თავს. როგორც ჩანს, რთული მეტეოროლოგიური პირობები შენარჩუნდება 26 დეკემბრის ჩათვლით, ამან კი შესაძლოა, მაქსიკის ყურიდან გათხევადებული ბუნებრივი აირის ექსპორტსაც შეუშალოს ხელი. როგორც ცნობილია, აშშ არის გათხევადებული გაზის მსხვილი ექსპორტიორი ქვეყანა, მისი ძირითადი მიწოდება ხდება ევროპაში, ამიტომ ამ კვირის შეფერხებებმა შესაძლოა, გავლენა იქონიონ გლობალურ ბაზარზეც - წერს Bloomberg.
აშშ 
