კალიფორნიის შტატის სასამართლომ სტუდია Girls Do Porn-ს 22 ქალისთვის 12.7 მილიონი დოლარის გადახდა დააკისრა. ამის შესახებ Vice-ი წერს.

გამოცემის ინფორმაციით, ქალებმა სტუდიასთან თანამშრომლობა მაშინ დაიწყეს, როცა მოდელების ძებნის შესახებ განცხადებას გამოეხმაურნენ. მაშინ მათი ასაკი 17-22 წელი იყო. სტუდიამ ყველა მათგანთან კონტრაქტი გააფორმა, თუმცა ქალების თქმით, ზოგს საბუთების ხელმოწერამდე ალკოჰოლი და ნარკოტიკები შესთავაზეს, სხვებს კი ემუქრებოდნენ.

სტუდიის თანამშრომლები ქალებს ატყუებდნენ, რომ ფილმები მათი მონაწილეობით ინტერნეტში ვერ მოხვდებოდა და მათ უცხოეთში DVD-დისკებზე გაავრცელებდნენ. ისინი მსახიობებს მათი ანონიმურობის დაცვასაც დაპირდნენ.

სინამდვილეში კი სტუდიამ ფილმები უმსხვილეს პორნოგვერდებზე განათავსა, ქალების სახელები კი ვიდეოების კომენტარებში გამოქვეყნდა. მომხდარის გამო ისინი იძულებულები გახდნენ საცხოვრებელი ადგილი და სახელები შეეცვალათ, რამდენიმემ კი თვითმკვლელობა სცადა.

სასამართლომ მიიჩნია, რომ ქალებს კონტრაქტების წასაკითხად საკმარისი დრო არ მისცეს, ამიტომ საბუთები ყალბად ითვლება. ფულადი კომპენსაციის გარდა სტუდიამ დაზარალებულებს მათი მონაწილეობით ყველა ფოტო და ვიდეომასალა და მათზე საავტორო უფლებებიც უნდა გადასცეს. დაზარალებულები კომპენსაციის სახით 297-547 ათას დოლარს მიიღებენ.

სტუდიის მიმართ გამოძიებას FBI ატარებს. 2019 წლის ოქტომბერში დაავალეს კომპანიის თანამფლობელი მეტიუ ისააკ ვოლფი და მსახიობი რუბენ ანდრე გარსია. მათ ბრალს ადამიანებით ვაჭრობაში სდებენ. სტუდიის კიდევ ერთი თანამფლობელმა მაიკლ ჯეიმს პრატმა აშშ დატოვა. ყველა ბრალდებულს სამუდამო პატიმრობა ემუქრება.

Imedinews