2023 წლის იანვრიდან შესაძლოა, რომ აშშ-ის მთავრობამ COVID-19-ის ვაქცინების საკუთარი ფინანსებით შეძენა და მიწოდება შეაჩეროს, რის შედეგადაც ამერიკელებს მოუწევთ ან თავად დაფარონ ვაქცინაციის ხარჯები, ან სადაზღვევო კომპანიებს აანაზღაურებინონ — ამის შესახებ ინფორმაციას გამოცემა Bloomberg ავრცელებს.
აშშ-ს ჯანდაცვისა და ადამიანური მომსახურების დეპარტამენტის სტრატეგიული მზადყოფნისა და რეაგირების ოფისის ხელმძღვანელის განმარტებით, აშშ- ის ჯანდაცვის ოფიციალურმა წარმომადგენლებმა დანიშნეს შეხვედრა წამლების მწარმოებლების, სახელმწიფო და ადგილობრივი ჯანდაცვის დეპარტამენტების, ჯანდაცვის პროვაიდერებისა და მზღვეველების 100-ზე მეტი წარმომადგენლის მონაწილეობით, რათა განეხილათ მთავრობის გეგმები კოვიდ ვაქცინებისა და თერაპიული საშუალებების კომერციულ ბაზარზე გადასვლის შესახებ.
მას შემდეგ რაც პანდემია დაიწყო, აშშ-ს მთავრობა და ფარმაცევტული კომპანიები COVID-19-ის და მედიკამენტების ფედერალური შესყიდვიდან კომერციულ გაყიდვებზე გადასვლას განიხილავენ, ისევე როგორც ეს სეზონური გრიპის აცრების შემთხვევაში ხდება.
„ჩვენ ყოველთვის გვინდოდა კომერციულ ბაზარზე გადასვლა და გარკვეული პერიოდის მერე ვგეგმავდით კიდეც ამას, ბოლო 6 თვის განმავლობაში ეს ვადები დაჩქარდა“ - აღნიშნა ჯანდაცვისა და ადამიანური მომსახურების დეპარტამენტის სტრატეგიული მზადყოფნისა და რეაგირების ოფისის ხელმძღვანელმა დონ ო'კონელი.
ო’კონელის თქმით, მას შემდეგ, რაც აშშ-ის მთავრობამ COVID-ზე რეაგირებისთვის ახალი დაფინანსება მიიღო 530 დღე გავიდა. 2023 წლის მეორე ნახევარში, როდესაც მარაგი ამოიწურება, აშშ ვარაუდობს, რომ COVID ვაქცინებზე, კერძოდ Pfizer's Paxlovid- ზე თანხის გადახდას შეაჩერებს.
ოპერატიული მოლაპარაკებები COVID-ის ფონდებთან დაკავშირებით თვეების განმავლობაში შეჩერებული იყო, კონგრესში დემოკრატებმა 15 მილიარდი დოლარის ახალი პანდემიის ფონდები იმის გამო დაბლოკეს, რომ შეშფოთება სახელმწიფო დახმარებაზე გადმოვიდოდა, ხოლო სენატის რესპუბლიკელებმა ბაიდენის ადმინისტრაციის საიმიგრაციო პოლიტიკის წინააღმდეგობის მოტივით 10 მილიარდი დოლარის პაკეტის მხარდაჭერაზე უარი თქვეს.
შეერთებულმა შტატებმა 171 მილიონი დოზა მოდიფიცირებული COVID ვაქცინა შეიძინა, რომლებიც შექმნილია ომიკრონისა და მისი ქვევარიანტებისგან უკეთ დასაცავად. მოსალოდნელია, რომ გამაძლიერებელი დოზები გამოსაყენებლად დამტკიცდება მიმდინარე კვირის ბოლოს და შესთავაზებენ ადამიანებს უფასოდ, როგორც ეს იყო მთელი პანდემიის დროს. მიუხედავად იმისა, რომ მიწოდება არ იქნება საკმარისი ყოველი ზრდასრული ადამიანის ვაქცინაციისთვის, მას შეუძლია დააკმაყოფილოს ადრეული მოთხოვნა.
შეერთებულმა შტატებმა რესურსების ნაკლებობის გამო უკვე დაიწყო Covid-ის გარკვეული პროდუქტების კომერციულ ბაზარზე გადატანა. აგვისტოს დასაწყისში, Eli Lilly & Co-მ გამოაცხადა, რომ ის covid 19 -ის ვაქცინას უშუალოდ ჯანდაცვის პროვაიდერებს მიჰყიდის.