აშშ-ის ხელისუფლება ტექნიკურ დახმარებას გაუწევს არგენტინას, ეგვიპტეს, ინდონეზიას, ნიგერიას, ჩილესა და უკრაინას ეკონომიკის დეკარბონიზაციის საქმეში. ამის შესახებ ამერიკის ენერგეტიკის მინისტრმა ჯენიფერ გრენჰოლმა განაცხადა.
როგორც მან აღნიშნა, საუბარია ინიციატივაზე, რომელმაც ეწოდა Net Zero World. გრენჰოლმის თქმით, ამ ინიციატივის ფარგლებში აშშ ეხმარება ქვეყნებს, რომლებიც ითხოვენ თანამშრომლობას დეკარბონიზაციის ამბიციური მიზნების მისაღწევად. პროგრამაში მონაწილეობს ამერიკის 17 ლაბორატორია.
„ჩვენი ლაბორატორიები დაეხმარებიან ამ ქვეყნებს კლიმატის საკითხებში დასახული ამბიციური მიზნის მიღწევაში“, - განაცხადა გრენჰოლმა.
თეთრი სახლის მიერ გავრცელებული ინფორმაციით, ამერიკული მხარე მზადაა ამ პარტნიორობის ფარგლებში მოიხმოს სპეციალისტები ამერიკული ტექნიკური, ფინანსური და დიპლომატიური უწყებებიდან.
bpn.ge