მსოფლიო ბანკისა და საერთაშორისო სავალუტო ფონდის საგაზაფხულო შეხვედრის ფარგლებში, რომელზეც გლობალური ეკონომიკის გამოწვევები განიხილება, აშშ–ის ხაზინის მდივნის ჯენეტ იელენის ინიციატივით მსოფლიო სასურსათო კრიზისზე გაიმართა მსჯელობა.
იელენი აღნიშნული დისკუსიის შესახებ ტვიტერზე წერს: „მნიშვნელოვანია განვიხილოთ გლობალური სასურსათო უსაფრთხოების საკითხები, რომლებიც გამწვავებულია უკრაინის წინააღმდეგ რუსეთის უსამართლო ომით და ვთქვათ, რა შეგვიძლია გავაკეთოთ ამ მზარდი საფრთხის დასაძლევად“.
დისკუსიას იგივე ტვიტერზე ეხმაურება საერთაშორისო სავალუტო ფონდის მმართველი დირექტორი კრისტალინა გეორგიევა, რომელიც მადლობას უხდის აშშ-ის ხაზინის მდივანს სასურსათო დაუცველობის შესახებ დროული დისკუსიის გამართვისთვის და აღნიშნავს, რომ ეს მზარდი პრობლემა, რომელიც გაუარესდა უკრაინის წინააღმდეგ რუსეთის ომის გამო, მოითხოვს კოორდინირებულ გლობალურ რეაგირებას. თავის მხრივ, სავალუტო ფონდი უზრუნველყოფს: რეალურ დროში ანალიზს, მორგებული პოლიტიკის რეკომენდაციებს და ფინანსური მხარდაჭერას.
მსოფლიო ბანკის პრეზიდენტი დევიდ მელპასი ტვიტერზე ეხმაურება ზემოხსენებული დისკუსიის მთავარ თემას და წერს: „ქვეყნების დახმარება სურსათის დეფიციტის გადაჭრაში და მდგრადობის გაზრდა აუცილებელია მსოფლიო ბანკის ჯგუფის ქვეყნის პროგრამების ხელშეწყობით“.