2022 წლის უმსხვილეს ღვინის ექსპორტიორთა ხუთეულში ტრადიციულად სს „ბადაგონი“ და შპს „ასკანელი ძმები“ არიან. კომპანიების ანგარიშგების მიხედვით, გასულ წელს შპს ,,ასკანელი ძმების“ წმინდა მოგება 62.3%-ით გაზარდა და 17 მლნ ლარი შეადგინა, ხოლო სს „ბადაგონის“ წმინდა მოგება 7 მლნ ლარი იყო, რაც თითქმის 35%-ით მეტია 2020 წლის მაჩვენებლებთან შედარებით.
განსხვავებული იყო კამპანიების შემოსავლებიც. „ბადაგონის“ შემოსავალმა 47.81 მლნ ლარი შეადგინა, საიდანაც 47.8 მლნ ლარი კომპანიამ საქონლის გაყიდვებიდან მიიღო. „ასკანელი ძმების“ ამონაგებმა კი 85 მლნ ლარს გადააჭარბა, კომპანიის ამონაგების არსებითი ნაწილი (83%-მდე) ფორმირდება რუსეთის და უკრაინის ბაზარზე პროდუქციის მიწოდებით.
„ასკანელი ძმების“ კაპიტალი 2021 წელს 57მლნ ლარი იყო, აქტივების მოცულობა კი 2020 წლის შესაბამის პერიოდთან შედარებით კომპანიამ 62%-ით 132.4 მლნ ლარამდე გაზარდა. 6.8 მლნ ლარამდე გაიზარდა თანამშრომელთა ხელფასები და სარგებელი.
„საომარი მოქმედებების დაწყებისას მნიშვნელოვნად შემცირდა პროდუქციის მიწოდება, თუმცა მოგვიანებით ის ნაწილობრივ ან მთლიანად აღდგა. ვინაიდან რუსული კომპანიებისა და ბანკების ნაწილზე გავრცელებულია საერთაშორისო სანქციები, მოსალოდნელია რუსეთის ფედერაციაში დაფუძნებული კომპანიების ფინანსური სტაბილურობა ეჭვქვეშ დადგეს, რაც თავის მხრივ ზრდის რისკს ამ კომპანიებმა ვერ შეასრულონ კომპანიის წინაშე არსებული ვალდებულებები. აღნიშნული რისკი კომპანიის გრძელვადიანი ფინანსური სტაბილურობის მნიშვნელოვანი ფაქტორია“,— აღნიშნულია „ასკანელი ძმების“ ანგარიშში.
რაც შეეხება „ბადაგონმა“, 2021 წელს კომპანიამ 31.3 მლნ ლარამდე გაზარდა კაპიტალი, ხოლო 59.2 მლნ ლარამდე აქტივები. კომპანიამ 24.3%-ით, 5 მლნ ლარამდე გაზარდა თანამშრომელთა ხელფასები.
მიმდინარე წელს კომპანია „ბადაგონი“ გეგმავს ინვესტიცია ჩადოს ვენახის აქტივებში და გამოიყენოს საკუთარივაკანტური მიწები. უკრაინის ომის ფონზე კომპანია გეგმავს მიმდინარე გაყიდვების შენარჩუნებას. მენეჯმენტი ასევე შეეცდება პროდუქციის სხვადასხვა პორტფელისა და
ბაზრის განვითარების გაზრდას. იგეგმება გაყიდვების გაზრდა ჩინეთში.