თბილისში, ავლაბრის მეტროს გვერდით სავაჭრო ცენტრი აშენდება. ტერიტორიაზე, სადაც დღეს ავტომობილების პარკინგია, მრავალფუნქციური კომპლექსის მოწყობა იგეგმება.
განმარტებითი ბარათის მიხედვით, საპროექტო შენობა 2 მიწისქვეშა და 3 მიწისზედა სართულისგან შედგება. -2 სართულზე დაგეგმილია 93 ავტომანქანაზე გათვლილი საპარკინგე ადგილის მოწყობა. -1 სართულზე განთავსებული იქნება საცალო და საბითუმო ვაჭრობის მაღაზიები. შენობის მიწისპირა და პირველი სართული დაეთმობა სავაჭრო, ხოლო მეორე სართული საოფისე სივრცეებს.
3720 კვ.მ.-ზე მრავალფუნქციურ ცენტრს ისტორიულ უბანში შ.პ.ს. „ეი-პი-ეს“ ახორციელებს, კომპანიამ პროექტის შეთანხმების მოთხოვნით დედაქალაქის მთავრობას 22 დეკემბერს მიმართა, დოკუმენტი ახლა შუალედურის სტატუს აქვს. რამდენიმე დღეს გახდება ცნობილი მოიწონებს თუ არა დედაქალის მთავრობა სავაჭრო ობიექტის პროექტს. თუმცა, უნდა ითქვას, რომ მიმდინარე წლის აპრილში კულტურული მემკვიდრეობის დაცვის საბჭომ პროექტის ესკიზი მოიწონა, თუმცა გასცა რეკომენდაცია, რომ საპროექტო ობიექტის გადახურვის არქიტექტურა დაიხვეწოს. ახლა კომპანია სწორედ ამ რეკომენდაციის ასრულებს.
უნდა აღინიშნოს, რომ ამ ტერიტორიაზე სხვადასხვა ბიზნეს სუბიექტები მშენებლობის დაწყებას 2013 წლიდან ცდილობენ. ერთ-ერთი ასეთი კომპანია „არსია“, თუმცა კომპანიამ პროექტის შეთანხმება დედაქალაქის მერიასთან ვერ შეძლო.
„არსის“ პროექტი, რომელიც არიქტეატურის სამსახურმა არ მოიწონა.
2016 წელს კულტურული მემკვიდრეობის დაცვის საბჭოს გადაწყვეტილებით ამჯერად უარი შპს „ინოვაციას“ უთხრეს. ამავე კომპანიის მცდელობა, მერიასთან პროექტი შეეთანხმებინა 2017 წელსაც წარუმატებელი აღმოჩნდა.
შპს „ინოვაციას“ პროექტი, რომელიც არიქტეატურის სამსახურმა არ მოიწონა.
2018 წლიდან პროექტის შეთანხმებას შ.პ.ს. „ეი-პი-ეს“ ცდილობს. კომპანიის ესკიზი თბილისის მერიამ 2018 წელს მხოლოდ 4 ჯერ დაიწუნა. იმავე წლის სექტემბერში კი არქიტექტურის სამსახურმა დადებითი შეფასება გასცა.
2018 წელს არიქტეატურის სამსახურის მიერ მოწოენბული ესკიზი
მიუხედავად დადებითი შეფასებისა მშენებლობის ნებართვა არ გაცემულა და პროექტიც არ განხორციელებულ. ესკიზი კიდევ 4 ჯერ შეიცვალო, თუმცა უშედეგოდ. ახალი ცვლილებები მერიისთვის ისევ მიუღებელი აღმოჩნდა.
ბოლო ესკიზი როგორც უკვე აღვნიშნეთ, მერიამ 2021 წლის აპრილში მოიწონა.
სავაჭრო ცენტრის პროექტს თან ახლავს ექსპერტ ვილიანა გულიაშვილის დასკვნა რომლის მიხედვითაც ირკვევა, რომ მრავალფუნქციური შენობის არქიტექტურული, სანებართვო დოკუმენტაცია სრულ შესაბამისობაშია ტექნიკურ რეგლამენტთან. იგი მიიჩნევს, რომ დოკუმენტაცია შედგენილია მაღალტექნიკურ დონეზე და მოიცავს არქიტექტურული პროექტისთვის ყველა საჭირო ინფორმაციას.
ბაჩო ადამია