ავსტრალიის უმსხვილეს ქვანახშირზე მომუშავე ელექტროსადგურს 2025 წელს დახურავენ. აქამდე დაანონსებული იყო, რომ სადგური 2032 წელს დაიხურებოდა. ამის შესახებ ინფორმაციას თბოსადგურის მმართველი კომპანია Origin Energy-ი ავრცელებს.
დოკუმენტში აღნიშნულია, რომ გადაწყვეტილება ქვეყნის უმსხვილესი სადგურის Eraring-ის დახურვაზე „ასახავს ელექტროენერგიის ადგილობრივ ბაზარზე სწრაფად ცვალებად გარემოს. იქედან გამომდინარე, რომ კომპანია გადადის ეკოლოგიურად უფრო სუფთა ენერგიის გამომუშავებაზე, რომელიც მიღებულია სუფთა და განახლებადი წყაროებიდან, როგორიც არის ქარისა და მზის ენერგიები“, - აცახდებენ კომპანიაში.
ენერგოკომპანიაში აცხადებენ, რომ მას შემდეგ, რაც მოხდება ქარხნის დემონტაჟი, ამ ადგილზე აშენდება აკუმულატორების მწარმოებელი ქარხანა. ქარხნის დემონტაჟში კი კომპანია 240 მლნ ავსტრალიურ დოლარს (170,9 მლნ აშშ დოლარს) დახარჯავს.
ავსტრალიის მთავრობაში Origin Energy-ს გადაწყვეტილებას კმაყოფილებით არ შეხვდნენ, ვინაიდან მათი აზრით, ამ სადგურის დახურვა ნეგატიურად აისახება სამხრეთ უელისის შტატის ენერგომომარაგებაზე, რომლის მოხმარების 20%-ს გამოიმუშავებს აღნიშნული სადგური.
Eraring-ის დადგმული სიმძლავრე არის 2 880 მგვტ. ის ტბა მაკუორის ნაპირზეა გაშენებული და სიდნეიდან 130 კმ-ის დაშორებით მდებარეობს. ის შედგება 1984 წელს ჩაშვებული ოთხი ბლოკისგან. აქამდე მის მმართველ კომპანიას დაგეგმილი ჰქონდა, რომ მწყობრიდან გამოიყვანდა სადგურს 2032 წელს, მისი ექსპლუატაციის ვადის გასვლამდე.
BPN.GE