ავსტრიის ლუდის პარტიამ ვენის ცენტრალურ მოედანზე ლუდის შადრევანი გახსნა. ამის შესახებ ადგილობრივი გაზეთი Kleine Zeitung-ი წერს.

გამოცემის ინფორმაციით, პარტიის ხელმძღვანელობა ამომრჩევლებს შადრევნის დადგმას ჯერ კიდევ 2 წლის წინ დაჰპირდა, როცა ადგილობრივ პარლამენტში ადგილები მიიღო. თუმცა პირობის შესრულება კორონავირუსის პანდემიის გამო ერ მოხერხდა.

როგორც „ლუდის პარტის“ ლიდერმა - პანკ-ჯგუფ Turbobier-ის ლიდერმა დომინიკ ვლაცნიმ განმარტა, მობილური შადრევანი 4 ონკანით მოედანზე მუდმივად „ბიუროკრატიული მიზეზების“ გამო ვერ იდგება, ამიტომ მას პარტიის მიერ ორგანიზებულ ღონისძიებებზე გამოიყენებენ.

ვლაცნიმ „ლუდის პარტია“ 2015 წელს დააარსა. პარტიის მთავარი პრიორიტეტები ნატურალური ლუდის მოხმარება, კლიმატის ცვლილებასთან ბრძოლა და კულტურის განვითარებაა.

imedinews.ge