რუსეთის წინააღმდეგ დაწესებული სანქციებით გამოწვეული ლოგისტიკური ჯაჭვის რღვევა გახდა ბევრი საავტომობილო კომპანიის გაჩერების მიზეზი – მუშაობა რუსულმა ავტოგიგანტმა ავტოვაზმაც კი შეწყვიტა. მსუბუქი და სატვირთო ავტომობილების წარმოებისთვის საჭირო ნაწილების შეტანა რუსეთის ტერიტორიაზე შეუძლებელი გახდა. შედეგად, ავტოვაზის თანამშრომლები 4–24 აპრილის პერიოდში კორპორაციულ შვებულებაში გავლენ, ხოლო შემდეგ 4–დღიან რეჟიმში იმუშავებენ.

მიიღე ინფორმაცია უფრო სწრაფად „კომერსანტის“ Telegram-ზე.

ავტოვაზი ამჟამად Lada-ს ზოგიერთი მოდელის სპეციალურ ვერსიებზე მუშაობს, რომლებიც ნაკლებად იქნებიან დამოკიდებული იმპორტულ მაკომპლექტებლებზე, აცხადებენ კომპანიის პრეს–ცენტრში. თუ აპრილის ბოლომდე ვითარება არ შეიცვლება, autonews.ru-ს ინფორმირებული წყარო ვარაუდობს, რომ ქარხანას მხოლოდ რამდენიმე მოდელის გამოშვებას შეძლებს და ისიც სიჩქარის გადაცემათა მექანიკური კოლოფით, ABS და ESP სისტემებისა და უსაფრთხოების ბალიშების გარეშე.

ქარხანა ელექტრონიკის ნაწილს უმსხვილესი გერმანული მწარმოებლისგან Bosh იღებდა. ცოტა ხნის წინ ამ საწარმომ რუსეთიდან შეკვეთების მიღება შეწყვიტა.

ავტოვაზი ალტერნატიული მიმწოდებლების მოძიებას ცდილობს. პროცესებთან დაახლოებული წყაროების ცნობით, არ არის გამორიცხული, რუსულმა მწარმოებელმა ჩინურ კომპანიებთან დაიწყოს თანამშრომლობა.