„ჩვენი ბანკისთვის მიკრო, მცირე და საშუალო ბიზნესის დაფინანსება სტრატეგიულად მნიშვნელოვანია, რაც 2022 წელს დაკრედიტების შედეგებშიც გამოიხატა და ჩვენი საკრედიტო პორტფელი ამ მიმართულებით 20% - ით გაიზარდა“, - ამის შესახებ რადიო „კომერსანტის“ საახალწლო ეთერში ტერაბანკის მცირე და საშუალო ბიზნესის მართვის განყოფილების უფროსის მოადგილემ ბექა ბიბილაშვილმა ისაუბრა. მისივე თქმით ისეთ სისტემურ ბანკებთან, როგორიც TBC და საქართველოს ბანკია კონკურენცია ცოტა რთულია, თუმცა ტერაბანკს ამ მიმართულებითაც კარგი შედეგები აქვს. 

„ტერაბანკი სახელმწიფო სუბსიდირების პროგრამებში აქტიურად იყო ჩართული და გამომდინარე იქიდან, რომ  სუბსიდირების პროგრამას მომხმარებლისთვის ძალიან ბევრი ბენეფიტი აქვს, ტერაბანკმა ბიზნესის დაფინანსება მიკრო და მცირე ბიზნესის  სეგმენტისთვისაც ხელმისაწვდომი გახადა, შედეგად ჩვენ დავინახეთ მომხმარებლის მხრიდან უკუგება და 2022 წელს, ჩვენ ვიყავით მესამე ბანკი აწარმოე საქართველოს პროექტების დაფინანსებით, რაც საკმაოდ კარგი შედეგია“, - აღნიშნა ბექა ბიბილაშვილმა. 

ბიბილაშვილმა  გადაცემაში ეროვნული ბანკის პოლიტიკაც შეაფასა და აღნიშნა, რომ ეროვნული ბანკის გადაწყვეტილება მონეტარული პოლიტიკის უცვლელად დატოვების შესახებ მოსალოდნელი იყო. 

„რაც შეეხება ეროვნული ბანკის პოლიტიკას, ალბათ სწორად მართავს  მისი ძირითად მოვალეობაც ინფლაციის მართვაა და მკაცრი  მონეტარული პოლიტიკა  ინფლაციის  სტაბილურად შენარჩუნებისთვის ერთ-ერთი აუცილებელი და საჭიროა“, - აღნიშნა ბექა ბიბილაშვილმა. 

თაკო კვაჭანტირაძე