ახალციხის მუნიციპალიტეტის მერია 15 ათასი ლარის დახარჯვას სასმელ წყალში გეგმავს. როგორც სახელმწიფო შესყიდვების ვებგვერდიდან ხდება ცნობილი ტენდერი 17 მარტს გამოცხადდა, თუმცა წინადადებების მიღება 25 მარტს დაიწყება და 27-ში დამთავრდება.
როგორც დანიშნულებაშია ნათქვამი წყალი, რომლის შეძენაც იგეგმება. ახალციხის მუნიციპალიტეტის ადმინისტრაციული შენობებისათვისაა განკუთვნილი და შესყიდვის სავარაუდო ღირებულება 15 456 ლარია.
საქონლის ტექნიკური პარამეტრები და რაოდენობა:
შემსყიდველისათვის დროებით სარგებლობაში გადასაცემი დისპენსერების რაოდენობა - 6 ცალი , მინიმუმ ორ ონკანიანი, ყოველი მომდევნო ახალი პარტიის მიწოდებამდე. ერთ ჯერზე მისაწოდებელი ბალონების მაქსიმალური რაოდენობა შეადგენს არაუმეტეს 12 ცალს. ბალონი უნდა იყოს შესაბამისი მარკირებით. შენახვის ვადა წარმოებიდან არანაკლებ 3 თვე, ხოლო მიწოდებიდან არანაკლებ 2 თვე.
პროდუქტი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:
მიწოდებული პარტია ორგანოლეპტიკური, ფიზიკო-ქიმიური, მიკრობიოლოგიური და სანიტარულ ჰიგიენური მაჩვენებლებით პარამეტრების მნიშვნელობით უნდა შეესაბამებოდეს პროდუქტის უვნებლობისა და უსაფრთხოების მოთხოვნებს.
საქონლის მიწოდება უნდა მოხდეს ხელშეკრულების გაფორმებიდან 2023 წლის 31 დეკემბრის ჩათვლით ეტაპობრივად, შემსყიდველის მოთხოვნის შესაბამისად.
მერიისთვის წლის ბოლომდე 500 ცალი 19 ლიტრიანი ბალონია გათვალისწინებული და 2160 ცალი 0.5 ლიტრიანი ბოთლი. რაც შეეხება საკრებულოს, საკრებულოსთვის 600 ცალი დიდი ბალონი და 1600 ნახევარლიტრიანი ბოთლი.