რუსული წარმოების ახალი კროსოვერი „მოსკვიჩი3“ 1,97 მილიონი რუბლი ეღირება, რაც დაახლოებით 29 000 აშშ დოლარია. ამის შესახებ „მოსკვიჩის“ ქარხნის ტელეგრამ-არხიდან გახდა ცნობილი.
ავტომობილი წარმოდგენილი იქნება 5 ფერში: თეთრი, შავი, წითელი, ნაცრისფერი და ლურჯი.
„როსსტანდარტის“ ბაზის თანახმად ახალი კროსოვერი და მისი ელექტრონული ანალოგი „მოსკვიჩი 3e“ ჩინური JAC JS4-ის ვარიანტებია.
იმის შესახებ, რომ მოსკოვის ქარხანამ, რომელიც განთავსებულია Renault-ს ყოფილი საწარმოს ადგილზე, მუშაობა განაახლა, ცნობილი 23 ნოემბერს გახდა. კომპანია მიმდინარე წელს 600 ავტომობილის წარმოებას გეგმავს, აქედან 200 ელექტრო უნდა იყოს. ქარხნის მესვეურების განცხადებით, მომავალი წლის გეგმები მოიცავს წარმოების თითქმის ასჯერ გაზრდას.