საქართველოს ბანკი მომხმარებლის საჭიროებებზე მორგებული სერვისებისა და პროდუქტების შეთავაზებას განაგრძობს. ამჯერად ბანკი თვითდასაქმებულ პირებს სხვადასხვა საბანკო პროდუქტებზე წვდომას გაუმჯობესებული პირობებით სთავაზობს. ინიციატივის მიზანია მაქსიმალური კომფორტისა და კიდევ უფრო მეტი შესაძლებლობების შექმნა იმ ადამიანებისათვის, ვისაც არ შეეძლო შემოსავლების დადასტურება და აქამდე ვერ ახერხებდა საჭირო საბანკო პროდუქტებით სარგებლობას.
დღეიდან აღნიშნული პროცესები საგრძნობლად მარტივდება. თუ აქამდე თვითდასაქმებულისათვის სამსახურის ან შემოსავლების დამადასტურებელი მოწმობის წარდგენა გამოწვევას წარმოადგენდა, ახლა საკმარისია მან წარადგინოს პირადობის მოწმობა და გააზიაროს მისი საქმიანობის შესახებ ინფორმაცია, რათა შეძლოს საჭირო საბანკო პროდუქტებით სარგებლობა.
პროგრამის ფარგლებში, საჭირო ფინანსურ რესურზე წვდომას შეძლებენ ისეთი აქტუალური პროფესიის მქონე ადმიანები, როგორიცაა: რეპეტიტორი, ტაქსის/პირადი მძღოლი, ძიძა, კურიერი, დამლაგებელი, სტილისტი და სხვა. სრული სიის ნახვა შესაძლებელია შემდეგ ბმულზე: https://bankofgeorgia.ge/ka/retail/loans/loan-for-selfemloyed
„საბანკო პროდუქტებით ნაკლებად ვსარგებლობდი, რისი ერთ-ერთი მიზეზი სწორედ ის არის, რომ შემოსავლის დადასტურების გარეშე მათზე წვდომა შეზღუდული იყო. ჩემს ირგვლივ ბევრ მძღოლს ამავე მიზეზის გამო უწევს მანქანის ქირაობა რაშიც ბევრად მეტს იხდის, ვიდრე საბანკო სესხით ავტომობილის ყიდვის შემთხვევაში გადაიხდიდა, ამიტომ ეს ბევრი ჩვენნაირი თვითდასაქმებულისთვის დიდი შეღავათი იქნება. ახლა უკვე გვაქვს შესაძლებლობა, მივიღოთ საჭირო თანხა ჩვენი სურვილისამებრ“, - აღნიშნა მძღოლმა, კახაბერ მახარაშვილმა.
„საქართველოს ბანკი ყოველთვის გამოირჩევა ინოვაციებით და მომხმარებლებს ახალ შესაძლებლობებს სთავაზობს, ესეც ერთ-ერთი სიახლეა, რომელიც თვითდასაქმებულებს საშუალებას გვაძლევს შემოსავლების დადასტურების გარეშე ვისარგებლოთ საბანკო პროდუქტებით უფრო გაუმჯობესებული პირობებით, რაც ჩემი მსგავსი თვითდასაქმებულებისთვის ძალიან მნიშვნელოვანია ინიციატივაა“, - განაცხადა მარინა დაბახიშვილმა, სახლის დიასახლისმა კომერსანტთან საუბრისას.
ბანკში კი განმარტავენ, რომ აქტიურად მუშაობენ, რათა მომხმარებელს უფრო მეტი შესაძლებლობები შეუქმნას სხვადასხვა პროდუქტების თუ სერვისების შეთავაზებითა და მათზე წვდომით. „მოხარული ვართ, წარმოგიდგინოთ ახალი ინიციატივა, რომელიც სპეციალურად თვითდასაქმებულთათვის შეიქმნა. პროგრამის ფარგლებში, ჩვენ მაქსიმალურად ხელმისაწვდომს ვხდით ყველა იმ საბანკო პროდუქტს, (იქნება ეს სამომხმარებლო სესხი, იპოთეკა სახლის შეძენისათვის თუ მისი რემონტისათვის) რომლითაც თვითდასაქმებული პირები აქამდე ვერ ახერხებდნენ სარგებლობას. შესაბამისად, მათ ეძლევათ შესაძლებლობა, მიიღონ საჭირო თანხა საკუთარი სურვილებისთვის. ჩვენ ვაგრძელებთ ამ და სხვა მიმართულებებით მომხმარებლის ინტერესების შესაბამისი სერვისებისა თუ პროდუქტების შექმნას და აქტიურად მუშაობას რადგან გვჯერა, რომ ერთმანეთის შესაძლებლობები უსაზღვროა“, - აცხადებენ საქართველოს ბანკში.
(R)