ამერიკელმა მსახიობმა ჯენა ორტეგამ სულ რამდენიმე კვირაა, რაც მსოფლიოში დიდი აღიარება მოიპოვა. ჯენა ორტეგა პოპულარული გახდა „ადამსების ოჯახში“ - „უენსდეის“ როლით, რომელიც Netflix-მა გადაიღო.
ჰოლივუდის ამომავალმა ვარსკვლავმა სამსახიობო კარიერა ძალიან ახალგაზრდა ასაკში დაიწყო. 20 წლის ჯენამ უკვე 4 მილიონი დოლარი დააგროვა.
ჯენა მარი ორტეგა 2002 წლის 27 სექტემბერს, კალიფორნიაში მექსიკელი მიგრანტების ოჯახში დაიბადა. ჯენა მრავალშვილიან ოჯახში გაიზარდა. 6 და-ძმას შორის, ის მეოთხე შვილია.
გასართობი ინდუსტრიით ჯენა 6 წლის ასაკიდან დაინტერესდა. რვა წლიდან უკვე ქასთინებზე დადიოდა. საბოლოოდ, თავისი პირველი სამსახიობო როლი 2012 წელს, ათი წლის ასაკში მოიპოვა. მისი დებიუტი სერიალში Baby Bug-ში შედგა. შემდეგ გამოჩნდა CSI-ის ეპიზოდში, ეიმ მურის როლში.
ბევრი მცდელობის შემდეგ, ახალაზრდა მსახიობის კარიერა უფრო მრავალფეროვანი ხდებოდა. ერთ-ერთი დამასახსოვრებელი როლი ორტეგამ შეასრულა Iron Man 3-ში. სწორედ ამის შემდეგ შეამჩნიეს ის პროდიუსერებმა.
2014 წელს ის გადაიღეს სერიალ Rake-ში, რომელიც ეთერში 2014 წლიდან 2019 წლამდე გადიოდა. იმ დროს მან ასევე ითამაშა როლი რომანტიკულ-დრამატულ სერიალში Jane the Virgin.
2014 წელსვე ითამაშა კომედიურ ფილმში The Little Rascals Save the Day. შემდეგ კი მისით Netflix-ის რეჟისორები დაინტერესდნენ.
2021 წელს ჯენამ ფილმ The Fallout-ში ითამაშა, სადაც მთავარი როლი შეასრულა. 2022 წელი მისთვის ყველაზე წარმატებული წელი აღმოჩნდა. მან ითამაშა საშინელებათა ფილმებში, მათ შორის American Carnage-ში, Scream-ში და Studio 666-ში.
Netflix-ის სერიალმა „უენსდეიმ“ კი ჯენას მსოფლიო აღიარება მოუტანა. ედუ დვარის თქმით, 2022 წლის ნოემბრისთვის მსახიობი 4 მილიონ დოლარს ფლობს, რაც მისი ასაკისთვის ნამდვილად დიდი სიმდიდრეა.