„ახალი წლის შესახვედრად საქართველოდან უფრო ირჩევენ ლაპლანდიას,“ - ამის შესახებ ტურისტული კომპანიის oktravel-ის დირექტორმა მარიამ აფხაზავამ „ბიზნესპრესნიუსთან“ საუბრისას განაცხადა.
მისივე თქმით, ასევე საკმაოდ პოპულარული და ხშირია ახალი წლის პერიოდში თბილ ქვეყნებში მოგზაურობის დაგეგმვაც.
„საახალწლო მოგზაურობები როგორც წესი უკვე ორი თვის დაგეგმილი უნდა ჰქონდეთ მოქალაქეებს. საშობაო - 25 დეკემბრის პერიოდი უფრო მოთხოვნადი არის ხოლმე ევროპა. წელს განსაკუთრებით გაზრდილი იყო ჯავშნები ისეთ მიმართულებებზე, როგორიცაა: ჩეხეთი, ავსტრია, გერმანია, საფრანგეთი.
რაც შეეხება უკვე ახალი წლის დღეებს, სამოგზაუროდ უფრო ირჩევენ სანტა კლაუსის სოფელს, მოქალაქეებს სურთ უშუალოდ 31-ში სწორედ ლაპლანდიაში შეხვდნენ ახალ წელს. ასევე დიდია მოთხოვნა ემირატების და შარმ-ელ-შეიხის მიმართულებით.
აღსანიშნავია, რომ ლაპლანდია ყველაზე მეტად გამოირჩევა სიძვირით და დაახლოებით 5-6 ათასი ლარის ფარგლებში ჯდება მოგზაურობა. რაც შეეხება ემირატებს და შარმ-ელ-შეიხს, წელს ამ მიმართულებებზე ჯავშნები საკმაოდ მისაღებ ფასად გვქონდა და მოგზაურობა 2 ათასი ლარიდან იყო შესაძლებელი,“- განაცხადა აფხაზავამ.
ახალი წელი
