ახლა გაჩუმება საკუთარ ნამუსზე ხელის აღებაა! გაუმარჯოს თავისუფალ და დემოკრატიულ საქართველოს მომავალს - ამ სათაურით აქვეყნებს მსოფლიო საოპერო სცენის ვარსკვლავი, ქართველი ბარიტონი გიორგი გაგნიძე წერილს, რომელშიც მწერალ ლაშა ბუღაძეს მიმართავს:
„გამარჯობა, ლაშა!
მე ძალიან აღელვებული ვარ ამ უკანონო კანონების მიღების მცდელობით და ერთი კლანის მიერ მიტაცებული ხელისუფლებით, სადაც მხოლოდ ოკუპანტი ქვეყნის კარნახით მიდის ყველაფერი.
მე არასოდეს გამომიხატავს ჩემი პირადი მოსაზრება ამ თემებთან დაკავშირებით, მაგრამ ახლა ვხედავ, როგორ უნდა ამ ხელისუფლებას, დაანგრიოს ისედაც სუსტ ფეხებზე მდგომი დემოკრატიული ინსტიტუტები და საბოლოოდ მიითვისოს ხელისუფლება ერთმა კლანმა, რომელსაც დღეს მმართველი პარტია, ასე ვთქვათ, ,,რუსული ოცნება” ჰქვია, ანუ ,,ქართული ოცნება".
მე მინდა, დაგიდგეთ გვერდში და ერთად ვიბრძოლოთ ამ უტიფრობისა და უნამუსობის წინააღმდეგ, სანამ ჩვენ, უცხოეთში მოღვაწე ხელოვანები, მტრად და აგენტებად არ გამოგვაცხადეს. მე მრავლობითში ვგულისხმობ უცხოეთში მოღვაწე ხელოვანებს, ჩემ და თქვენს თანამოაზრეებსაც და მათი სახელითაც მოგმართავ,“- ნათქვამია გიორგი გაგნიძის წერილში.
გაგნიძე
