13 ივლისს საგამოფენო ცენტრ ExpoGeorgia-ში "USDAID ზრდა საქართველოში"-ს პროექტის მდგრადი ტურიზმის
განვითარება თუშეთში პრეზენტაცია გაიმართება. პროექტი ხორციელდება საქართველოს ერთ-ერთი მთავარი ტურისტული დანიშნულების მხარდასაჭერად. პროექტმა ადგილობრივი თემის ჩართულობით გარემოსდაცვითი და რეგიონის მდგრადი ეკონომიკის განვითარების მიზნები შეიმუშავა.
თუ რატომ აირჩა სამიზნე აუდიტორიად თუშეთი და რა არის მდგრადი განვითარების კონცეფია, ამ თემაზე რადიო „კომერსანტის“ გადაცემაში „კომერსანტის დილა“ USAID ZRDA Activity in Georgia–ის პროექტის ხელმძღვანელმა ქეთევან ჭუმბურიძემ ისაუბრა.
მისი თქმით, თუშეთი შეირჩა იმიტომ, რომ ის ახმეტის მუნიციპალიტეტის შემადგენლობაშია, ხოლო ახმეტა არის USAID Zrda- ს პრიორიტეტი და სამიზნე რეგიონი.
„მოგეხსენებათ, რომ ჩვენი პროგრამა 5 თვიანია და 6 რეგიონში მუშაობს, მათ შორის ვართ საზღვრისპირა ზოლში განთავსებულ სოფლებში და ისეთ რეგიონებში, სადაც ეთნიკური უმცირესობები ცხოვრობენ. რა თქმა უნდა, თუშეთი ამ მხრივ არ შერჩეულა, თუშეთი პირველ რიგში შეირჩა იმიტომ, რომ ჩვენი სამიზნე რეგიონი არის ახმეტა და კიდევ იმიტომ, რომ თუშეთი ტურისტული მიმართულებით მაღალი პოტენციალის მქონე ლოკაციაა, ხოლო ტურიზმი და სოფლის მეურნეობა არის ზუსტად ის სექტორები, რომლის განვითარებაზეც ჩვენ ვმუშაობდით და შესაბამისად ლოგიკური იყო, რომ თუშეთში გვემუშავა ისე აქტიურად, რომ თუშეთის პოპულარობა თავისი ბუნებით, ლანდშაფტით, გასტრონომიით, გეოგრაფიული მდებარეობით მაქსიმალურად გაგვეზარდა და განგვეხორციელებინა ყველა აქტიურობა იმისთვის, რომ თუშეთი გახდეს კიდევ უფრო მიმზიდველი ლოკაცია არა მხოლოდ უცხოელი, არამედ ქართველი ტურისტებისთვისც.
მდგრადი ტურიზმის განვითარება ნიშნავს ისეთი ტიპის ტურიზმის განვითარებას, რომელიც ადამიანების ინტერესებს პასუხობს და სამ მიმართულებას მოიცავს. ესენია: ეკონომიკური დოვლათის შექმნა, სოციალური შედეგი და გარმოს დაცვა და ბუნებრივი რესურსების სწორი გამოყენება. მსოფლიოში, მათ შორის ახლომდებარე ქვეყნებშიც, ჩვენ ბევრი მაგალითი გვინახავს იმისა, რომ ტურიზმი ვითარდება, ციფრები მიდის მაღლა, ამა თუ იმ ლოკაციას ძალიან ბევრი ტურისტი სტუმრობს, თუმცა იქ ფუჭდება ინფრასტრუქტურა, რადგან ტურისტების გადანაწილება არ არის სათანადო და ინფრასქტურქტურაც იმდენად არ არის გამართული, რომ ამ ყველაფერს გაუძლოს. ამიტომ ძალიან მნიშვნელოვანია, თუ როგორ იქნება რესუსრსები გამოყენებული და როგორ იქნება დაცული ის ტერიტორია, რომელზეც ამ შემთხვევაში ჩვენ ვსაუბრობთ. ჩვენი ინიციატივა იყო ის, რომ თუშეთში ამ მოდელით გვემუშავა და სხვადასხვა ტიპის აქტივობები დაფანტული არ ყოფილიყო და უფრო სისტემური მიდგომა გვქონოდა და ყველა მხრიდან შევუტიეთ იმას, რომ თუშეთში ეკონომიკური კუთხითაც გაგვეკეთებინა პროექტები", - აღნიშნა ქეთევან ჭუმბურიძემ.
მისივე თქმით, მხოლოდ თუშეთში USAID ZRDA-მ ნახევარ მილიონზე მეტი ინვისტიცია განახორციელა. რაც შეეხება მთლიანად ახმეტის რეგიონში გაკეთებულ ინვესტიციას, ეს თანხა დაახლოებით 4 მილიონ ლარს შეადგენს. გარდა ამისა, ჭუმბირძე ამბობს, რომ USAID-ის ინვესტირებით ახმეტაში 100-ზე მეტი სამუშაო ადგილი შეიქმნა, სადანაც 45 მხოლოდ თუშეთშია.
„თუშეთში 45 სამუშაო ადგილი ალბათ 4500 ადგილს ნიშნავს, რადგან თუშეთში ძალიან ცოტა მოსახლეა, შესაბამისად ბიზნესიც ცოტაა, ამიტომ იქ ყველა დახარჯული თეთრი ბევრად უფრო კარგი შედეგის მომტანია და ადამიანებისთვისაც უფრო კარგად დასანახია თუ როგორ უმჯობესდება იქ ბიზნესი. ჩვენ სხვადასვხა მიმართულებით დაახლოებით 170 -ზე მეტი ტრენინგის პროგრამა განვახორციელეთ, აქ საუბარია თემის წევრებზე, თემის წევრები არიან ადამიანები, რომლებიც იქ ცხოვრობენ, ეს არის ინდმეწარმე, შესაძლებელია იყოს კომპანია, შესაძლებელია ასოციაცია, ყველა ვინც იქ მუშაობს. ასევე ჩავატარეთ ტრენინგი ფონდების და ფინანსების მოძიების კუთხით, უნარჩვევების განვითარების კუთხით, ბიზნესებისთვის ჩატარდა ყველა ტიპის ტრენინგის, იმისათვის რომ მათი სერვისი გაუმჯობესებული სახით მიეწოდოს ტურისტებს.
საგრანტო პროგრამების ფარგლებში აღიჭურვა არაერთი ბიზნესი, დაახლოებით 40 ბენეფიციარი გვყავს საოჯახო სასტუმროების თუ სხვადასხვა სერვისის მიწოდების კუთხით. ვიმუშავეთ მუზეუმთანაც იმ მიმართულებით, რომ არტეფაქტები შენახული იყოს და არ განადგურდეს. საცხენოსნო ტურიზმის კუთხითაც განვახორციელეთ ძალიან მასიური სამუშაოები.
თბილისში და საფრანგეთში გვყავდნენ საცხენოსნო გიდები, რომლებმაც საცხენოსნო მიმართულებით გადავამზადეთ და ავღჭურვეთ ყველა საერთაშორისო სდანდარტის მიხედვით“, - აღნიშნა ქეთევან ჭუმბურიძემ.
პროექტი USAID Zrda 2016 წლიდან ხორციელდება და როგორც ქეთევან ჭუმბურიძე ამბობს, მისი შედეგები უკვე თვალშისაცემია.
„რასაკვირველია შედეგები არის, ტურისტებს დახვდებათ მეტი განვითარებული ბიზნესი და უფორ მეტი ინფარსტრუქტურული პროექტი“, - აღნიშნა ქეთევან ჭუმბურიძემ.
თაკო კვაჭანტირაძე