ქერის გადამამუშავებელი ახალი ქარხანა, რომელიც გამოიყენება ლუდის წარმოებაში აზერბაიჯანში, მუშაობას 2024 წლის იანვარში დაიწყებს და Carlsberg Group აზერბაიჯანში ასევე გეგმავს დამატებით ინვესტიციებს.
ამის შესახებ დღეს აზერბაიჯანის რესპუბლიკის პრეზიდენტის ილჰამ ალიევისა და Carlsberg Group-ის აღმასრულებელ დირექტორის კეის ეთ ჰართის შეხვედრის შემდეგ გახდა ცნობილი.
კეის ეთ ჰართმა მადლობა გადაუხადა ალიევს აზერბაიჯანში კომპანიის საქმიანობის მხარდაჭერისთვის.
შეხვედრაზე კმაყოფილება გამოითქვა აზერბაიჯანში Carlsberg Group-ის საქმიანობით და აღინიშნა აზერბაიჯანში განხორციელებული ეკონომიკური რეფორმების დადებითი გავლენა ბიზნეს გარემოზე.
სწორედ ამ შეხვედრის შემდეგ გავრცელდა ინფორმაცია, რომ ლუდის წარმოებისთვის საჭირო ქერის გადამუშავება უახლოეს მომავალში 100%-ით აზერბაიჯანში მოხდება.
აღსანიშნავია, რომ ლუდი Carlsberg-ი საქართველოში სწორედ აზერბაიჯანიდან შემოდის. Carlsberg-ი მსოფლიოში ერთ-ერთი მსხვილი დანიური ლუდსახარში კომპანიაა.
აღსანიშნავია, რომ რუსეთის უკრაინის ტერიტორიაზე შეჭრის შემდეგ იმ საერთაშორისო ბრენდებს შორის, რომელთაც რუსეთის ბაზარი დატოვეს Carlsberg–იცაა.
Carlsberg-ი ფლობს 140 ბრენდს, მათ შორის Carlsberg, Tuborg, Kronenburg, Baltika და სხვა. პროდუქცია იყიდება 150-ზე მეტ ქვეყანაში. 2021 წელს რუსეთში ბიზნესის შემოსავალმა $960 მილიონი, საოპერაციო მოგებამ $100,41 მილიონი შეადგინა.