ინდოელი მილიონერი - Adan Group-ის დამფუძნებელი, გაუტამ ადანი, მზად არის თავისი სუპერ აპლიკაცია წარმოადგინოს რომელიც, მისი თქმით, ციფრული სამყაროს Ferrari იქნება. ადანი ამბობს, რომ პორტალი ქსელში სამიდან ექვს თვეში ჩაეშვება.
Bloomberg Opinion-ი წერს, რომ აზიის უმდიდრესმა მაგნატმა ხელიდან გაუშვა პანდემიის პერიოდი, როცა ონლაინ სერვისებზე მოთხოვნა მაქსიმალურად იყო გაზრდილი. ციფრულ ინდუსტრიაში ახლა დიდი არეულობაა. ამავდროულად, ინდოეთის ელექტრონულ კომერციაში დიდი კონკურენციაა. რამდენად შორს წავა გაუტამ ადანის Ferrari-ი, ამას დრო გვიჩვენებსო, წერს გამოცემა.
როგორც Financial Times-ი წერს მობილური აპლიკაცია მგზავრებს ადანის აეროპორტების ქსელში Adan Group-ის სხვა სერვისებთან დააკავშირებს.
ადანი ინდოეთის შვიდ აეროპორტს მართავს და ამჟამად მუმბაიში ახალ ტერმინალს და ასაფრენ ბილიკს აშენებს. მთლიანობაში, ინდოეთის საავიაციო ტრაფიკის 20% მისია. მედიის ცნობით, ის პოტენციურად შეძლებს, რომ ჯერ კიდევ უსახელო აპლიკაცია მილიონობით ტელეფონზე დააინსტალიროს.
აღსანიშნავია, რომ აეროპორტების, ელექტროენერგიის, გაზის განაწილების და ზეთის წარმოების ბიზნესის გარდა, ინდოელი მილიონერის იმპერიის დარჩენილი წილი მოდის მაინინგზე, ლოჯისტიკასა და ინფრასტრუქტურაზე.
შოპინგის, გადახდების, გართობის, სოციალური მედიისა და ფინანსების ერთი ქოლგის ქვეშ გაერთიანება ჩინური მოდელია. ისეთმა კომპანიებმა, როგორებიცაა Alibaba Group Holding-ი, Tencent Holdings-ი და Meituan-ი, ეს მიმართულება უკვე სრულყვეს და ტექნო ტიტანებად ჩამოყალიბდნენ.
ჩინეთში Covid-19-ის მკაცრი პოლიტიკის გამო Alibaba-მ ახლახან გამოაქვეყნა მონაცემები მოულოდნელი კვარტალური ზარალის შესახებ; ინდონეზიურმა GoTo Group-ი თავისი მუშახელის 12%-ს ამცირებს. როგორც Washington Post-ი წერს, ამ რთული რეგიონული პერსპექტივის ფონზე, ბაზარზე ახალი მოთამაშის გამოჩენა არც თუ ისე დამაიმედებელია.
მოამზადა მაკა ბიბილაშვილმა