აშშ-ის პრეზიდენტ ჯო ბაიდენის განცხადებით, უკრაინის კრიზისი გაცილებით მეტია, ვიდრე უბრალოდ, ევროპული პრობლემა. როგორც სააგენტო Reuters-ი წერს, დღეს, 24 მაისს ტოკიოში, ე.წ. ოთხეულის წევრი ქვეყნების ლიდერთა შეხვედრაზე ბაიდენმა თქვა, რომ ის, რაც უკრაინაში ხდება, გლობალური პრობლემაა. ინდოეთ-წყნარი ოკეანის რეგიონის ქვეყნების „ოთხეული“ აშშ-ს, იაპონიას, ავსტრალიას და ინდოეთს აერთიანებს.
აშშ-ის პრეზიდენტის შეფასებით, უკრაინაზე რუსეთის თავდასხმა აძლიერებს საერთაშორისო წესრიგის ფუნდამენტური პრინციპების - ტერიტორიული მთლიანობის და სუვერენიტეტის მიზნების მნიშვნელობას.
უკრაინაზე რუსეთის თავდასხმის შემდეგ, აშშ ინდოეთს აქტიურად მოუწოდებდა, უარი ეთქვა რუსეთთან პარტნიორობაზე და აქცენტი გადაეტანა ამერიკის შეერთებულ შტატებთან სტრატეგიულ თანამშრომლობაზე.
radiotavisupleba.ge