„ბაკურიანი გუდაურისგან განსხვავებით წესრიგშია, რადგან კურორტი ჩემპიონატისთვის ემზადება და იქ გათოვლიანების სხვა სისტემები დგას“,  -  ამის შესახებ რადიო „კომერსანტის“ გადაცემაში „კომერსანტის დილა“ ორგანიზაცია „დაიცავი მთის კურორტების“ დამფუძნებელმა და საქართველოს მთის კურორტების ასოციაციის პრეზიდენტმა გიორგი სალუქვაძემ ისაუბრა. მისი თქმით გათოვლიანების აღნიშნული სისტემები შარშანაც გაიტესტა და მაღალი დონის სპორტსმენებისგან დადებითი შეფასებები მიიღო. 

„იმ სპორტსმენებისგან რომელებიც პეკინს ოლიმპიადიდან შარშან ბაკურიანში ჩამოვიდნენ, გათოვლიანებამ და თოვის ხარისხმა საკმაოდ მაღალი შეფასება მიიღო, ტბა გუდაურშიც არის, თუმცა გუდაურში წყალმომარაგებასთან დაკავშირებით ბევრი ბიუროკრატიაა, ხოლო ბაკურიანში ეს საკითხი უფრო მოწესრიგებულია, რადგან ამხელა ჩემპიონატს მხოლოდ თოვლის იმედად ვერ უმასპინძლებენ. 

ის რაც ბაკურიანში ხდება ძალიან კარგია იმისთვის, რომ ბაკურიანმა როგორც სათხილამურო  კურორტმა მსოფლიო რუკაზე საპატიო ადგილი დაიკავოს, მაგრამ მაღალი დონის მოთხილამურე ბაკურიანში არ ჩამოვა, რადგან ბაკურიანს არ აქვს ის სიმაღლეები რაც გუდაურს,, ამიტომ ყველა უნდა დაირაზმოს იმისთვის, რომ ამუშავდეს კანადური კომპანიის მიერ შემუშავებული გენგეგმა, რომელიც წლებია მიტოვებულია და სახელმწიფომ უნდა გამოისყიდოს ყველა ის მიწები, რომელზეც საბაგირომ უნდა გაიაროს და აღმოჩნდა, რომ გაყიდული და გასხვისებულია, წინააღმდეგ შემთხვევაში გუდაურის  ადგილზე სამომავლოდ მივიღებთ უდაბნოს“, - აღნიშნა გიორგი სალუქვაძემ.