ჩეხი დიზაინერი, ტომას ბრინეკი ბალიშებს პრეზიდენტ ვოლოდიმირ ზელენსკის პორტრეტით ამზადებს, შემოსულ თანხას კი ომით დაზარალებული უკრაინელების მხარდასაჭერად აგზავნის.

მისი თქმით, ბევრისთვის ზელენსკი სექს-სიმბოლოდ იქცა, რადგან დაღლილი, გაუპარსავი, მაგრამ გამომწვევი ზელენსკი, თავისი საფირმო მწვანე მაისურით, უკრაინის წინააღმდეგობის სახედ იქცა, რომელიც კიევის ბუნკერიდან სოციალური მედიის ყოველდღიური მაუწყებლებით თანამემამულეებს საბრძოლველად აგროვებს.

„ბევრი ადამიანი, ძირითადად მშვენიერი სქესის წარმომადგენლები, მას ერთგვარ სექს-სიმბოლოდ აღიქვამენ, ამიტომაც გამიჩნდა იდეა, გამეკეთებინა ბალიში მათი წარმოსახვისთვის, თითქოს ზელენსკი მათ გვერდითაა,“ - განუცხადა Reuters-ს ტომას ბრინეკმა.

ბრინეკი Instagram-არხის, TMBK-ის შემქმნელია, რომელსაც 540 000-ზე მეტი გამომწერი ჰყავს. მისი ხელნაკეთი ბალიშების შეზღუდულმა რაოდენობამ 2000-ზე მეტი შეკვეთა მიიზიდა და ქველმოქმედებისთვის, დაახლოებით, 18 900 დოლარი შეაგროვა.

„იდეა, შესაძლოა, ხუმრობად ჩანდეს, მაგრამ მას აქვს სერიოზული მხარეც, რომ მოგება ბევრ უკრაინელს დაეხმარება,“ - აცხადებს დიზაინერი.

მისი თქმით, დიდი ინტერესის გამო, ბალიშების კიდევ ერთ პარტიას დაამზადებს.

ჩეხეთმა უკრაინას ათობით მილიონი დოლარის ღირებულების დახმარება გაუგზავნა და ამჟამინდელი მონაცემებით, 270 000 ლტოლვილი, ძირითადად, ქალები და ბავშვები მიიღო.

24 თებერვლის შემდეგ უკრაინიდან მეზობელ ქვეყნებში 3 მილიონზე მეტი ლტოლვილი გადავიდა.

bpn.ge