ბალტიის ქვეყნები რუსული ბუნებრივი აირის იმპორტს აღარ ახორციელებენ, - ამის შესახებ ლატვიის ბუნებრივი აირის საცავი ოპერატორის ხელმძღვანელმა, ულდის ბარისიმ ადგილობრივ მედიასთან საუბარში განაცხადა.
„1 აპრილიდან რუსული ბუნებრივი აირი აღარ მიედინება ლატვიაში, ესტონეთსა და ლიეტუვაში,“ - თქვა Conexus Baltic Grid-ის აღმასრულებელი დირექტორი.
ევროკავშირის წევრი პირველი ქვეყანა, რომელმაც რუსულ გაზზე უარი თქვა, ლიეტუვა გახდა.
ლიეტუვის ენერგეტიკის სამინისტროს ცნობით, ევროპაში რუსეთის ენერგეტიკული შანტაჟისა და უკრაინის ომის საპასუხოდ, ლიეტუვა მთლიანად უარს ამბობს რუსულ გაზზე.
უწყების განმარტებით, ამ თვის დასაწყისიდან ლიეტუვის გაზის ტრანსპორტირების სისტემა რუსული ბუნებრივი აირის იმპორტის გარეშე მუშაობს.
„ეს არის გრძელვადიანი, თანმიმდევრული ენერგეტიკული პოლიტიკისა და დროული ინფრასტრუქტურული გადაწყვეტილებების შედეგი“, - განაცხადა ლიეტუვის ენერგეტიკის მინისტრმა, დაინიუს კრეივისმა.
ამ საკითხზე კომენტარი გააკეთა ლიეტუვას პრეზიდენტმაც.
„ამ თვიდან ლიეტუვაში რუსული გაზი აღარ იქნება. წლების წინ ჩემმა ქვეყანამ მიიღო გადაწყვეტილებები, რომლებიც დღეს გვაძლევს საშუალებას, რომ აგრესორთან არსებული ენერგეტიკული კავშირები უმტკივნეულოდ გავწყვიტოთ. თუ ამის გაკეთება ჩვენ შევძელით, დანარჩენ ევროპასაც შეუძლია!“ - დაწერა „ტვიტერში“ ლიეტუვას პრეზიდენტმა გიტანას ნაუსედამ.