2022 წლის იანვრის მონაცემებით, კომერციული ბანკების მიერ დასაკუთრებულმა ქონებამ 293.3 მლნ ლარი შეადგინა. აღნიშნულის შესახებ ეროვნული ბანკის „საფინანსო სექტორის მიმოხილვაშია“ ნათქვამი.
მიმოხილვის თანახმად, წლიურად ბანკების მიერ დასაკუთრებული ქონების ღირებულება 43,2 მლნ ლარით გაიზარდა. კერძოდ, 2021 წლის იანვარში ეს მაჩვენებელი 250.1 მლნ ლარი იყო.
ამასთან, სებ-ის 2022 წლის იანვრის მონაცემებით, ჩამოწერილი სესხების მოცულობამ 23.2 მლნ ლარი შეადგინა, მაშინ როცა 2021 წლის ამავე პერიოდში 10.6 მლნ ლარის ოდენობის სესხის ჩამოწერა მოხდა. გარდა ამისა, საფინანსო სექტორის მიმოხილვის თანახმად, იანვარში 42.2 მლნ ლარის მოცულობის ჩამოწერილი სესხის ამოღება მოხდა, 2021 წლის ანალოგიურ პერიოდში კი ეს მონაცემი 4.8 მლნ ლარი იყო.