ეროვნული ვალუტა დოლარის მიმართ 2022 წლის პირველ ნახევარში მნიშვნელოვნად გამყარდა, თუმცა წინა წლიდან მოყოლებული ის დიდი რყევებით გამოირჩეოდა. ანალიტიკოსები მიიჩნევენ, რომ ეროვნული ვალუტის მერყეობით მხოლოდ საბანკო სისტემა რჩება მოგებული.

ანგარიშგებების მიხედვით, კომერციული ბანკების არასაპროცენტო შემოსავლების დიდი წილი სწორედ ვალუტის ყიდვა-გაყიდვის ოპერაციებიდან მიღებულ მოგებას უჭირავს. კომერციული ბანკების ანგარიშგებების მიხედვით, ცამეტმა ბანკმა 2022 წლის პირველი კვარტალში ვალუტის ყიდვა-გაყიდვის ოპერაციებიდან თითქმის 148 მლნ. ლარის მოგება მიიღო, ხოლო ერთი ბანკის ზარალმა 26,7 მლნ. ლარს გადააჭარბა.

კომერციული ბანკების რეიტინგი ვალუტის ყიდვა-გაყიდვის ოპერაციებიდან მიღებული მოგების მიხედვით ასეთია:

თიბისი ბანკი - 58,801,619 ლარი;

საქართველოს ბანკი - 56,694,336 ლარი;

ბაზისბანკი - 9,597,716 ლარი;

ლიბერთი ბანკი - 8,297,428 ლარი;

პროკრედიტ ბანკი - 6,513,080 ლარი;

ტერაბანკი - 3,449,539 ლარი;

ბანკი ქართუ - 1,627,394 ლარი;

პაშა ბანკი საქართველო - 1,405,674 ლარი;

ზირაათ ბანკი საქართველო - 648,428 ლარი;

კრედო ბანკი - 546,131 ლარი;

იშბანკი საქართველო - 496,6043 ლარი;

სილქ როუდ ბანკი - 193,299 ლარი;

ხალიკ ბანკი საქართველო - 144,200 ლარი;

ვითიბი ბანკი ჯორჯია - ზარალი 26,702,132 ლარი.