ზაფხულის ტურისტული სეზონი ძალებს იკრებს და ამ მხრივ აგვისტო ყველაზე „ცხელი“ იქნება.  commersant.ge დაინტერესდა ბათუმში პრემიუმ კლასის სეგმენტში სტანდარტული სასტუმრო ნომრის ქირაობა სტუმარს რა დაუჯდება და ზოგადად რომელი სასტუმროები ყიდიან თავიანთ სერვისებს ყველაზე ძვირად.

ამისათვის საორიენტაციოდ 1-2 აგვისტო და ერთ სასტუმრო ნომერზე ერთი სტუმარი ავიღეთ და Booking.com-ზე განთავსებული მონაცემები შევისწავლეთ. საიტზე 200-დოლარზე მეტი ღირებულებით 5 ვარსკვლავიანი სასტუმროებისა და აპარტამენტების სეგმენტში სულ 33 ობიექტია განთავსებული, საიდანაც ყველაზე ძვირი ღამისთევა არის სასტუმრო Legend Hotel Batumi Convention Center & Spa-ში, სადაც 1-2 აგვისტოს სტანდარტულ ნომერში განთავსება სტუმარს 1039 დოლარი დაუჯდება. სტანდარტული ნომრის სიძვირის მიხედვით, მეორე ადგილზეა Hotel Intourist Palace Batumi, სადაც სტანდარტული ნომრის ქირაობა 782 დოლარიდან იწყება. მაღალი ფასებით მესამე ადგილზე Sea View From The Clouds-ია, სადაც ღამის ფასი სტუმრისთვის 507 დოლარიდანაა.

აღსანიშნავია, რომ აღნიშნულ განთავსების საშუალებებში ბოლო 24 საათის განმავლობაში ფასმა 2-დან 4 დოლარის ფარგლებში მოიმატა.

Booking.com-ის თანახმად 5 ვარსკვლავიანი განთავსების საშუალებებიდან სტუმრების მხრიდან ყველაზე მაღალი1 0 ქულიანი შეფასება Aparthotel Orbi City Batumi​-ს აქვს, შემდეგ 9,7 ქულიანი შეფასებით მოდის Apartments Orbi City Sea View და 9,4 ქულიანი შეფასებით Aparthotel City Center in Orbi Complex-ი.

Booking.com-ის თანახმად, ბათუმში ყველაზე იაფი ღამისთევა ჰოსტელებშია, სადაც 1-2 აგვისტოს სტუმარს დარჩენა 6 დოლარად შეუძლია.