ბანკების ფინანსური ანგარიშგებების 2022 წლის I კვარტლის მონაცემების მიხედვით, „ბაზისბანკის“ ზარალი სესხების შესაძლო დანაკარგების მიხედვით, წინა წლის ანალოგიურ პერიოდთან შედარებით, თითქმის 50 მლნ. ლარით გაიზარდა. აღსანიშნავია, რომ მიმდინარე წლის 3 თვეში ეს მონაცემი 49,395,986 ლარი იყო, ხოლო 2021 წლის შესაბამის პერიოდში ზარალის ნაცვლად მოგება დაფიქსირდა და 564,811 ლარი შეადგინა.
2022 წლის I კვარტლის ფინანსური მაჩვენებლების მიხედვით, „ბაზისბანკის“ მოგებამ 21,211,200 ლარი შეადგინა, გასული წლის ანალოგიურ პერიოდში მისი წმინდა მოგება კი 7,155,029 ლარი იყო.
გარდა ამისა, საანგარიშო პერიოდში „ბაზისბანკის“ მთლიანმა საპროცენტო შემოსავლებმა 43,945,055 ლარი შეადგინა, ხოლო მთლიანმა არასაპროცენტო შემოსავლებმა 61,286,157 ლარი.
2022 წლის I კვარტლის მონაცემების მიხედვით, ბანკის მთლიანმა აქტივებმა 2,818,879,269 ლარი, ხოლო მთლიანმა ვალდებულებებმა 2,501,741,029 ლარი შეადგინა.
აღსანიშნავია, რომ სწორედ პირველ კვარტალში სანქცირებულმა „ვითიბი ბანკმა საქართველოში“ საცალო პორტფელი „ბაზის ბანკზე“ გაასხვისა, რის შედეგადაც ბანკის საკრედიტო პორტფელი მნიშვნელოვნად გაიზარდა.