კომერციული ბანკების წმინდა მოგებამ, 2000%-იანი ზრდის შემდეგ, 2021 წელს 2 მლრდ ლარს გადააჭარბა, აქტივებმა 60 მლრდ-ს, დეპოზიტების მოცულობამ 38 მლრდ-ს და დაკრედიტების მოცულობამ 43 მლრდ-ს. გიგანტების გარდა, ზრდა შედარებით მცირე ბანკებმაც აჩვენეს, მათ შორის იყო ბაზისბანკიც, რომელმაც პირველ პანდემიურ წელთან შედარებით, აქტივების შემცირების მიუხედავად, კაპიტალზე უკუგებისა და მოგების მიმართულებით მდგომარეობა გაიუმჯობესა. მისი წმინდა მოგება 633%-ით გაიზარდა და 43 მლნ ლარს გადააჭარბა.

ბაზისბანკის ძირითადი პირველადი კაპიტალი მეოთხე კვარტალში, 2020 წლის ანალოგიურ პერიოდთან შედარებით 18%-ით 275 მლნ ლარამდე გაიზარდა, საზედამხედველო კაპიტალი 15%-ით 307 მლნ-მდე.

მკვეთრად 6.4-ჯერ 2.5%-დან 16.4%-მდე გაიზარდა კაპიტალზე უკუგების კოეფიციენტი (ROE) აქტივებზე უკუგების კოეფიციენტი (ROA) კი კიდევ უფრო მეტად 7.3-ჯერ 0.4%-დან 2.5%-მდე. მთლიან სესხებთან მიმართებაში უმოქმედო სესხების წილი კი პირიქით 7.7%-დან 5.4%-მდე შემცირდა.

კონკურენტებისგან განსხვავებით, ბაზისბანკის მთლიანი აქტივები 6.9%-ით 1.868 მლრდ ლარამდე შემცირდა. კლება შეინიშნებოდა ნაღდი ფულის, ეროვნულ ბანკში განთავსებული ფულადი სახსრებისა და დასაკუთრებული უძრავი ქონების მიმართულებით.

მიმდინარე დეპოზიტები (ანგარიშები) 16%-ით 235 მლნ-მდე შემცირდა, ვადიანი დეპოზიტები 9%-ით 403 მლნ-მდე, მოთხოვნამდე დეპოზიტები კი პირიქით 14%-ით 235 მლნ-მდე გაიზარდა. 15%-ით 1.255 მლნ-მდეა გაზრდილი მთლიანი სესხებიც.

2021 წელს ბაზის ბანკმა სესხებიდან საპროცენტო შემოსავლის სახით 107 მლნ ლარი მიიღო, რაც 2020 წლის მაჩვენებელს 14.5%-ით აღემატება. მნიშვნელოვნად 53%-ით 2.496 მლნ ლარამდე გაზრდილი საკომისიოებიდან მიღებული შემოსავალი. ჯარიმებიდან მიღებული შემოსავალი კი 8%-ით 2.057 მლნ ლარამდე შემცირდა.

გადასახადების გადახდამდე ბაზისბანკმა 48.667 მლ ლარიანი მოგება დაწერა - 893%-ით მეტი ვიდრე 2020 წელს, გადასახადების გადახდის შემდეგ კი წმინდა მოგებამ 43.753 მლნ ლარი შეადგინა რაც იმავე 2020 წელთან შედარებით 633%-ით მეტია.

როგორც ბაზისბანკის, ასევე სხვა ბანკების შემთხვევაში მოგების ასეთი მკვეთრი ზრდის მიზეზი საბაზისო წელია. 2020 წელს ბანკებმა კონსერვატიული მიდგომის გათვალისწინებით აუცილებელ მინიმუმზე ბევრად მეტი თანხა დაარეზერვეს, რითაც ბუღალტრული მოგება შეიმცირეს, დიდწილად სწორედ ამიტომ 2021 წელს საბაკო სექტორმა 2021 წელს მოგების 2000%-იანი ზრდა აჩვენა.