BlackRock-ი იმ კომპანიებს შორისაა, რომლებიც ფასიანი ქაღალდების ტოკენიზაციას უჭერენ მხარს.

BlackRock-ის აღმასრულებელმა დირექტორმა ლარი ფინკმა თქვა, რომ „ბაზრების მომავალი და უსაფრთხოების მომავალი ტოკენიზაციაა“, ამის შესახებ Decrypt-ი წერს.

ტოკენიზაცია ბლოკჩეინის ტექნოლოგიის ერთ-ერთი ყველაზე საინტერესო გავლენაა. ამ პროცესში ნებისმიერ მსურველს შეეძლება დააფასოს და გაცვალოს ნებისმიერი ელემენტი. ბლოკჩეინის ტოკენიზაცია შეიძლება გამოყენებულ იქნას თითქმის ყველაფერზე - აქციებიდან, ობლიგაციებიდან, უძრავი ქონებიდან დაწყებული, დამთავრებული ღვინით ან ხელოვნების ნიმუშით — ყველაფერი, რაც სამრეწველო წარმოების ხაზს ტოვებს.

New York Times DealBook-ის ღონისძიებაზე საუბრისას ფინკი ამტკიცებდა, რომ ტოკენიზაცია „მყისიერ ანგარიშსწორებას“ და „შემცირებულ საფასურს“ უზრუნველყოფს. მიუხედავად ამ უპირატესობებისა მან დაამატა, რომ ამ ტიპის ტექნოლოგიის განვითარება BlackRock-ის ბიზნესმოდელს არ შეაფერხებს. კომპანიის აღმასრულებელი დირექტორი რამდენიმე აქტუალურ ეკონომიკურ საკითხსაც ეხება, მათ შორის რუსეთ-უკრაინის კონფლიქტის გავლენას, ჩინეთის როლის შეცვლას და გლობალურ ინფლაციურ ზეწოლას, რომელმაც გავლენა მოახდინა ყველაზე განვითარებულ ეკონომიკებზე 2022 წელს.

აღსანიშნავია, რომ სტარტაპმა Flowcarbon-მა, რომელიც ტოკენიზაციის პრაქტიკა უკვე დანერგა და რომელსაც WeWork-ის ყოფილი დამფუძნებელი, ადამ ნეუმანი ხელმძღვანელობდა, ახლახან 70 მილიონი დოლარის ინვესტიცია მოიზიდა ისეთი ცნობილი ინვესტორებისგან, როგორიცაა - a16z, General Catalyst და Samsung Venture Investment.

2022 წლის ნოემბერში, JPMorgan-მა Polygon-ს მიმართა, რათა ტოკენიზებული ფულადი დეპოზიტებით სინგაპურში ბანკის მიერ შექმნილი კერძო ბლოკჩეინის მეშვეობით ევაჭრა. ბანკმა ასევე ხელი შეუწყო ტოკენიზაციის უპირატესობებს თავის ზოგიერთ White Paper-ში და განაცხადა, რომ ტოკენიზაციამ შესაძლოა ფინანსური სერვისების „უფრო ღია გზით“ მიწოდების შესაძლებლობა მისცეს.

მიუხედავად ტოკენიზაციის მომავლის შესახებ დადებითი შეხედულებისა ფლინკმა ისიც თქვა, რომ კრიპტოვალუტასთან დაკავშირებული კომპანიების უმეტესობას მომავალი არ ექნება, თუმცა ბლოკჩეინის ტექნოლოგია „ძალიან მნიშვნელოვან“ როლს შეასრულებს.