“ბაზრის დაცულობის მაღალი სეგმენტი ქვეყანაში მარაგების არსებობაა, ქვეყანაში მარაგებს წისქვილების მუშაობა  ქმნის,  , მაგალითად როდესაც  წისქვილი მუშაობს ადგილზე ხორბლის ორთვიანი მარაგია, ასევე ხორბალი არის გზაში და ახალი კონტრაქტი იდება, ეს არის ჯაჭვი“, - ამის შესახებ რადიო „კომერსანტის“ გადაცემაში „ბინზესინდაიდერი“ საქართველოს ხორბლისა და ფქვილის მწარმოებელთა ასოციაციის აღმასრულებელი დირექტორმა ლევან სილაგავამ ისაუბრა, მისი თქმით თუ ქვეყანაში რუსეთიდან ხორბლის შემოსვლა შეწყდება, დივერსიფიცირება იმ წუთას ვერ მოხდება, თუმცა ქვეყანას პრობლემა არ ექნება და ახალ ბაზრებზე გადასვლისთის დრო ექნება. 

„მარაგი უფრო დიდი ალბათობით იცავს ბაზარს, ვიდრე ის, რომ ჩვენ ვილაპარაკოთ, რომ გავაკეთოთ დივერსიფიცირება, რომც  გვინდოდეს   როგორ უნდა შემოიტანო ხორბალი დღეს იგივე ყაზახეთიდან ან  რუმინეთიდან და უკრაინიდან , როდესაც ფასი არის მაღალი . სამწუხაროდ გეოგრაფიული მდგომარეობიდან  გამომდინარე, ჩვენთვის ყველაზე იაფი ბაზარი რუსეთია, იმიტომ რომ სამი შემოსასვლელი აქვს, ეს არის ფოთის და ბათუმის პორტები, ლარსი და გარდაბანი, შესაბამისად გზა სამჯერ უფრო იაფია ვიდრე  ყაზახეთს  აქვს და ორჯერ  უფრო  იაფია ვიდრე რუმინეთს და უკრაინას აქვს დაშორების გამო და სწორედ ამიტომ ხდება ეს.

.

თუ მარაგი ქვეყანაში არსებობს ჩავთვალოთ, რომ ბაზარი დივერსიფიცირებულიც არის, იმიტომ რომ თუ შეწყდა ხორბალი და მარაგი არსებობს , სხვა ქვეყნებზე გადასვლის ავტომატური დივერსიფიცირება ხდება, მართალია უფრო მეტი ფასით, მაგრამ შემოდის ხორბალი.

ასევე  იგივე შეიძლება შეეხოს  სხვა პროდუქტებს, იმიტომ რომ პროდუქტი შემოდის იქიდან სადაც უფრო იაფია,   ეს არის თავისუფალი ეკონომიკის პრინციპი და მე პრიორიტეტებში დავაყენებდი“, აღნიშნა ლევან სილაგავამ.

ძირითადი შემაფერხებელი ფაქტორი იმისა, რომ მარაგები არ იქმნება არის ის, რომ  ფქვილის აგრესიული იმპორტი განხორციელდა, რაც რუსეთიდან ხელოვნურად იყო გაკეთებული, ეს არ  იყოს  საქართველოს მიმართ, ეს იყო იმ მხრივ გაკეთებული, რომ შემოვიდა  ხორბალზე  მცურავი ბაჟი, რომელიც მსოფლიო ბაზარზეა მიბმული და ფორმულით იანგარიშება.

„დღესაც გაიზარდა  ხორბლის საექსპორტო მცურავი ბაჟი, ეს წახალისებას უკეთებს ფქვილის ექსპორტს სხვადასხვა ქვეყნებში და  თვითონ შიდა  ბაზარზე  არეგულირებს  ხორბალიც. მაგალითად როდესაც რუსეთი საერთაშორისო  ვაჭრობის პრინციპებით ვაჭრობს, მაგალითისთვის ავიღოთ ეგვიპტის  ტენდერი, რომელიც ყველაზე დიდი ტენდერია და დიდი რაოდენობის ხორბალს  ყიდულობს , იქ რომ განცხადება კეთდება ხორბლის  შეთავაზება  400$ საფრანგეთის , ამერიკის რუსეთის მიერ, ცხადია, რომ იქ რომ რუსული კომპანია რომელიც შედის  ამ ტენდერში და განცხადებას აკეთებს 400$  ის  არ გულისხმობს რომ საექსპორტო ბაჟს  გადაიხდის, ის  აკისრებს შიგნით ხორბლის მწარმოებლებს, შესაბამისად ეს ფასი არის 400-50 ანუ 350, ანუ რუსეთში შიგნით არის 350 , მსოფლიო ბაზარზე იგივე , რომ წამოიღო არის  400$, იმიტომ რომ ტენდერის მიხედვითაა, აქედან გამომდინარე შიდა ბაზარზე  დაფქული ფქვილი უფრო  სერიოზული დიკსაუნტია და კონკურენტუნარიანია მათ შორის  მსოფლიო ბაზრებზე  იგივე  ჩვენ მიერ გადამუშავებული. ჩვენ რომ შემოვიტანოთ ხორბალი მცურავი ბაჟით დაგვიჯდება 400 დოლარი, შესაბამისად 400 დოლარიდან გამოშვებული ფქვილი  350 დოლარიდან რუსეთის  შიგნით  კონკურენციაში რთულად  შედის. ჩვენ  სახმელეთო გადასასვლელი გვაქვს სხვა ქვეყნებს ეს  არ  ეტყობა, მაგრამ  ჩვენ გვეტყობა. ჩვენ გავედით მსოფლიოში პირველ ადგილზე, რუსეთიდან გამოტანილი ფქვილის ოდენობით“, -  აღნიშნა ლევან სილაგავამ.

მისი თქმით მსოფლიოში  ფქვილით ვაჭრობა კარგ  ტონად  არ ითვლება, რადგან მსოფლიო ვაჭრობს  ხორბლით , რადგან ხორბალი ინახება წლების განმავლობაში ფქვილი ინახება რამდენიმე თვე.

თაკო კვაჭანტირაძე